Home » Amarad » Iγ iqqur w-awal, tilawt tqqur fllas (Iddr Yahia)

Iγ iqqur w-awal, tilawt tqqur fllas (Iddr Yahia)

Agzzum I
G umzwaru ar zzul γ f imγnasn d tmγnasin d ugdud n Arif f turkza nsn d wid ibddn mnid n ufus n usataγ (Oppression). Ar smγurγ tamunt isn ntni d ayt dar nγ n iffus agmuḍ (Sud-Est) d iffus ataram (Sud-Ouest) d ubddad nsn mnid Lmxzn, amzn abrid n tilelli d izrfan isn d wi n tasutin n imal.
Zi ussan izwirn n umussu n uγrf Amaziγ/Amγrabi, ad nsflad i tugt n iwaliwn nẓṛ gar tiγawsiwin… Tidt, may ad iẓḍay f tugt n imddukkal d tmddukkalin, kra ar ikkat iγrban iggami ad y-af aγaras… Mnnaw ar sγnasn, s mattin d afgan z tattut n umzruy… ssisfiwn as tγawsiwin… Ṛẓn iskraf n tawda d uγruc lli aγ iẓmawn, iẓẓmu ayt dar nγ isggasn a-y ad. Timktit n ufgan zun d tarfrit (Inconscience) anna fllas izrayn ar gis i tqqim ar d tacki tizi tsmati d kra lli t isnggasn (Choquer)… Maya d ad sul igan anaruz i iɛrrimn. Tamazight ur sar tmmut iγ fllas nsγnsa n-g t mnid nγ d iγ ur gis nskr taγarast i ixfawn nnγ… Tamntilt Tamaziγt ur ad as fn iskkiwsn n aggagn (Intellectuels) yat g tizi ad. Isqsitn lan urar isn iγ ka ur iri yan ad tn isfaw… Ma igan tamukrist tamqrant.?! Is nit nssn mani rad walan tiγwsiwin nγ d is ka nfttu, γar is aγ dḥayn nγ d ar nfttu nrẓm imi… Ad ur nttu mas d tugt n tγrmin ur asn ifs imsli (La voix) is y-ad gan tiggas gn afus g ufus, d iγ ur asn nsfld namẓ didatsn abrid n tilelli – mqqar lan ginγ mad ur iẓḍarn ad isγnsa acku amussu amaziγ g Sus iddr g yat tmukrist taqburt/tamaynut…- Taẓẓat n w-anγa i imal n tamurt nγ… S tidt tamurt ad tuti afgan gis iddrn, macc isggasn n “taddalit” qqand ad snfln (changer) afgan, ẓẓun gis tikṣṣad d mklli s nniγ timktit zun d anu ma-γd ar n tggiz ar aγ d ikkat azuzwu n w-aman – azuzwu n tilelli -.
Nkr n iɛrrimn gn afus g ufus, mqqar tugt n tmukrisin d iwnnan γ ugns n umussu 20 Brayr d dar imγarn/tufut (Elite) n umussu Amaziγ – γid rad bdγ ad sawlγ f tamukrist (Problématique) n tanqqist (Discours) illan dar imγarn n umussu Amaziγ. – Tamukrist ad ar aγ tskar tamukrist mqqurn ngr yan ugraw -imγarn (Elite)- ssutln asn tugt n imaγn ngratsn darat n Imaziγn… Tanqqist nsn ur aγ tssisfaw awttas n tamntilt (La cause) Tamaziγt d ar tinin mas d tamntilt tamazight ur t usr (Besoin) γar yan mnnaw n ismmskltin (Réformes)… Mgal ns rad n-af tanqqist lli ittinin mas d tamukrist n Tmaziγt tga yat tmntilt talellamt (Libéral)… Abrid is tilelli, tagara ns tilelli… Snat n tnqqisin ad, tilawt d umzruy ar y-akka azrf i tanqqist tis snat tad iran ad iḍfrn tilelli n uγrf Amaziγ… Tanqqist tamzwarut tamukrist ns tgat tizi. Lmxzn d Tawsngimt (Idéologie) ns taẓγuẓrt (Raciste) ur ar ijjlu tizi ns kra ygat tiklt ar gis isyafa afgan g tamurt ad s taḥggart… Irin sul ad as n fn tizi – mra dar iɛrrimn tizi ur ad ak fγn s ubrid ccn aγruc, assi n tilelli γ yan ufus, asin γ wis sin tudrt ns.- Maqqar maya d imγarn d iɛrrimn n umussu Amaziγ ismun tn uzrkki (Le respect), macc nlkm yan ubrid, iγ sul issuri s tiγrdin… Ad av sfldn yan imik nv d ad av ssisfiwn maya d. Iɛrrimn aggugn bahra i ad s t awin g timukrisin inwrikn (Personnels). Yan w-ass amzruy ur ad aγ ittu d ad ur nals i iguln (Les erreurs) n imzwura… nγ d ad ng asulil ibdn ngr tadrfit d tadankit (Tyrannie)… Ar ssirimγ ad ur ng -Imγarn d Iɛrrimn n umussu Amaziγ- affus n Lmxzn, iγ ak ur nsayafa maya n, t-ad aygan taguḍi ur ilan ultmas… Ur dar i d tamntart d ur giγ anaw itggan afus i wiyyaḍ, macc izd iɛrrimn isγnsan is nit dar sn allal (Moyen) mas a skarn -tagrawla-… isqsi iγ as ufiγ urar ar issusus i wiyyaḍ. Iγ iga umussu Amaziγ amẓluḍ, awal aḍni n aya n… macc iγ t- ur igi mamu tn ḥḍan.?! Iɛrrimn ur gan imntarn, ar tmaγn d tizi d tiγri d tudrt d ufgan… bd n i “unufl” d -Paradoxe- n tufut ( Elite) n umussu Amaziv g Sus, sul ntni ad itbddadn f twadawin… Sisfiwn i ufgan izrfn nsn d ntnin ad irẓẓan i tawda… Riγ ad ssnγ is nit ssn imγarn n umussu Amziγ mani s rad tn yawi abrid lli umẓn.?! nγ d gn aḍar t slkmt as wayyaḍ!. Yan w-awal, amussu Amziγ ifas Lmxzn yan umrriq d idrus mad t isyafan – ggutn imrqan ar lliγ ur atn sul isyafa yan- amrriq ad igat max lliγ ur d fγn inkraf n tamntilt tamaziγt zun wiyyaḍ… maya d irwas is ur iga kra n tγawsa iṭṭafn atgit irwas dar imγarn/tufut (Elite) n umussu Amaziγ.?! iγ nit iga maya n tidt, ad tinit nsfld asn. Isqsi amukris, is aγ nit ismun yan u-wttas d yat tmntitl nv ku yan ar ittazzal f ixf ns – Tilelli ar fllas akkan imvnasn tudrt nsn… mad as nfa nk’ni -. Ur gis yat iγ asn nsfld, sawln dinγ…macc is rad irin – gan z ginγ ng z gitsn, nγ d uhu.?!- y-uf iγ aka nsflid iwid ginγ isbukkun iḍ d uzal… Afgan sbukkant, ur sul iẓḍar i ifsti, iḍulan ar ad aγ d sul yawi tagrawla s tiγrmt (Ville)… Tagrawla ur d ikkan idrarn, ur ttitga… -Idrarn ad aγ immstn (Protéger) Timuzγa nγ -. Tagrawla n uγrf Amaziγ/Amγrabi rad i tkk Arif, Ayt baɛmran, Iffus agmuḍ (Sud-Est), Faẓaẓ (Moyen Atlas), Sus timukrisin as issutn llan γ ufgan, ilin γ iswingm ns d mamn k as a iẓṛṛa tamukrist n tmntilit tamaziγt… Iγ a nẓṛṛa ifalan n “tasrtit n lmxzn amγribi” adlli mgal Imaziγn, ar n tafa mas d tufut n umussu Amazγi igan afus is i Lmxzn gan tn Isusin maya d ur y-ssusm yan. Isqsi, is nit nssn nkni isusin tama n mit aγ nbid.? Iγ d n-ucka ad nsawl f mani k as nra imal n tamazirt nnγ is tnsfaw nγ d nga γar “lbyadq” – kra ygat tamazirt ṭaf irgaz ns, tinγ is tn ṭaf?!- llan, macc mad tn y-ujjan! –
Awal iγ iggut ar as tfttu tamimt… d iγ iqqur, tidt/tilawt tqqur fllas… Z mad ittunan g umzwaru ar zrraγ mas d tamukrist n umussu Amaziγ g Sus, lli iddr. Tamzwarut, tamukrist n tanqqist (Discours) – Is tga tamntilt talellamt (Libéral) nγ d tga γar tasmmsklt .?! ar ẓṛṛaγ mas d is nit illa mad issn ma igan mgal (Contre) Tamaziγt (afgan, awal d w-akal), ur ta tn ssn Isusin irwas, nγ d ur d fllasn mcuckan.?!- Tis snat, tgat mas d ur tlla tamyawatt (Communication) ngr tafut n umussu Amaziv g Sus d iɛrrimn n umussu Amaziγ.-i umzruy, mmaγn bdda iɛrrimn ad ṛẓmn taggurt n umsawal d tafut n umussu Amaziγ di Sus, fkn asn atig mqqurn… macc ar tafan tiggura qnt, iγ y-ad nurẓmn ur ad gisn nt-af a mad aγ isflidn… Tufut (L’Elite) g w-asif, iɛrrimn g wayyaḍ. Mra illa mad y-ufan i snat tmukrisin ad afsay rad tg Sus mklli s tran ayt dars… Afgan tlkm gis ixss, ira ad y-amẓ artum (destin) n tmazirt ns g ufus ns iswwurit s ufulki s tawsna ns… Macc!
Iddr Yahia
23/11/2011-2961

Comments

  1. arhazaf mohammed yeqqar-d:

    Azul i umedcal nnegh :
    Ufigh g tirra nnek ils amazigh ittesmun mennaw n tisefratin zi ku tasga ,innurZmn ghif iwaliwn illan g itsen imawaln n tmazight.Ay-a ar izzemdaz(Rendre joyeux) acku adday iffegh umedcal d umedyaz tasga nnes mar ad issidr iwaliwn ur illin gis ar yakka tamatart is ira ad ismun imazighn di-nna llan,is ira ad ikkes iwetta mi da ttighiln itsn is llan ger imazighn n ku tesga.Tirra nnek tga yan uHadim(Le socle) zeg iHadimn ittewettasn ad sertln(Fonder) agharas n tamunt.Tirra awd nettat tga amrig (arme)n umeghnas.Yuccel ad neghnes s mayd igan amrig taf ad nfek udm atrar i ils d udalis nnegh. acku ils iga agabib(Le symbole) n unumka(La dignité).Igh nsawl s ils ibbin,ikkarn s itersan ur sar ikcim wawal nnegh abuD n unlli.Ils azddag aqurar ar yakka i uwarik udm nnes adewsan.Ikka yan umbellen (Le résistant) amazigh ymZn tanbaTgh uswir n temnaT inna i userdas nnes :”Mec kkan iärabn ger agh hat nedda iberdan nnegh”.Hat suln icenga nnegh ar ssaran ghif mayd agh yaTTun mec ur neHDi ighfawn nnegh.Suln ghur nnegh wi-lli iTTeffurn iärabn am umalu nsen.Suln wi-lli ikkatn ghif tghawsiwin n iärabn uggar nsen aha ar kkatn ighfawn nsen meqqar ghran g ugherbaz(L’école,l’institut) aha ilin g wansiwn ilan tawuri.Wa-nna isawaln s tmazight aha ur ar isnubbuc far ad ignu aderbal nnes ,ad ijjujjey itersan n ils nnes hat ur ar ikkat xas agayyu nnes.Yuccel ad nessifif awal nnegh meqqar nedda s Ghdames negh Siwa negh s Mali….Yuccel ad nenDew iwetta isegyanen,ad nennarZm ghif usenflel gh ils nnegh d mayd igan asakin.Ils ur ibbin am uderbal ar yakka udm n uguggu(La santé mentale).Ikka yam umeHDi amatan g tasmattagt ilmed i cra n tmazight iddegh ila tawuri g yan usun mi ggutn gis wi-nna sawalnin s tmazight .Kud issen is ar ttemukkulgh s ils amazigh iseqsa yi ad as ssefrugh yat twinst aha festigh ar txemmamgh g mayd as ttinigh,irZem i imi nnes ar iTTeSSa day yini yi :”Asag ac nnan siwl s tmazight a amazigh id ad asn tinid tucka yi?”,nnigh as :”Hat ar t i smutturgh iddegh ur t lmidgh xas g itsen imalasn nna kkigh ghur imyisa(Les proches) inu ur issin xas i tmazight”.TaTSa nnes n uhendz (La moquerie) tezdgh timektit inu s dghi.Mriddis igez akal ddigh ad rargh amariq nnes s wa-yyaD.Ar ttinin itsen imazighn :”Ad ijjey uters wala ijjey gar awal”.Awal yafufn ar agh itterara awnul(La valeur),ad agh ismun g ugharas n usgurg (La libératiion) n udalis nnegh zeg usdurrey adelsan.Tanmmirt bahra irghan.

Fel Tannayt

Email-inek ur d-itffeɣ ara. Urtiyen yuwren ttwaseknen s *

*
*