Home » Amarad » Tafsut n tilelli, tabrat i tarwa n Sus (Iddr)

Tafsut n tilelli, tabrat i tarwa n Sus (Iddr)

Ass ad ayt matnγ Imaziγn n Libya, syafan tilelli uggar nγ. Ad fllaγ ur iskrkis yan… ddrn sul tugt n anawen zun Lqddafi. Mqqar maya d Imaziγn n Liγya dar sn azrf uggar n wiyyaḍ ad ummrn (Etre heureux) s trnnawt nsn, smγurn s iεrrimn, timγarin, iryazn d tazzanin isn, lli aγ ifkan tawlaft (Image) n Imaziγn y-umẓn artum (Destin) isn s ufus, gn atig i tmagit isn, mttn xf timuzγa nsn d tinγ, ṛẓn iskraf, bddn mnid n tmttant, bbin ils i uγẓn, szrkkintn wiyyaḍ. Libya ass ad tṣṣifd aγ yat tbrat iqqan aγ d ast nrms (Comprendre) nḥḍut g umzruy nnγ, mklli aγ t id tṣṣifd Tafsut Tabrkant di tamurt n Lqbayl… Adrar n Infusn i biddn zi ass amzwaru n tagrawla yall acnyal (Drapeau) Amaziγ f iggi n tamurt is. Tizi-wzzu tamγnast tamzwarut n tamntilt (La cause) Tamaziγt, nttat ad ibiddn tsbidd tasgiwin aḍni n Tamazγa, ffγn d Imaziγn mgal (Contre) ummud (L’exploitation) n w-ayda nsn d xf war tawwuri d asiman n ixf (L’autonomie )… Macc nkkni Isusin ma d nra…?!.

Dar nγ, willi igan inflas d inbdad ad sul illan. Willi aγ y-ukrn ayda nγ, irin ad nγin tutlayt nγ, stun aγ tamagit nγ, aran amzruy nγ mklli ka ran. Iswingimn isn ar ukan ccttan aẓar nγ, at tbbin ul iγ asn nssflid. Mqqar Tamaziγt tga tunṣibt di Amur n Akc (Lmrruk) macc llan sul wi d aγ ur irin, ilin sul dar nγ Inkraf n tamntili Tamaziγt ar tqln s tilelli ast syafan nsyafatt didatsn. Sul tugt n ufgan Amaziγ ur isawaln tamaziγt, ur t a t tlkm tabrat nnγ… jlan t s iswingim nsn, ig zun d agḍiḍ ittyagasn ur iẓḍar ad ifarri nγ d ad immass, am wa d mu fkan tallaγt iγal is γur sn y-umẓ amlu.

Ussan ad iqqan d ad ngzu (Comprendre) tagrawla n Libya d tunis (La Tunisie), naf gisnt afssay i timukrisin nnγ , nummr ditsn tarnnawt isn, nml asn mas d tga trnnawt isn tinγ.. macc amussu Amaziγ sutlnt as gar w-alln, iggut ma d as ur iri n afulki… Iqqan d ad t amẓm artum (Destin) nnun mklli s tumẓm amrig (L’arme) ass izwar n g tagrawla…

Ussan nnγ ngr yyi d ngr a-t-un, ur ssnγ mamn k ar ad aγ gn. Γilli g ddrγ tugt n tmukrisin sutln ngr Imaziγn, bḍan kra irin sul ad bḍun wiyyaḍ…ggutn  g is gar ifassn. Tamukrist mqqurn imal ar ad aγ issisfiw man anaw rad aγ tg nknni Isusin…

Tugt n imddukkal d tmddukkalin iẓṛi nsn s dar Imazivn n Libya, ul azgn didun, azgn d yagurn d Imaziγn n dar nγ. Aswingm ar sul isiggil s ma d aγ ismunan. Rrif gis iryaz ns, Faẓaẓ (Moyen Atlas) g is ayt γur s, tasgiwin aḍni ṭṭafn t imγnas ns, Sus tamurt iw (inu) tamghlalt (Paradise) icrmn (Violée), imal ns illa sul nrg gar ifassn…  Is d nit gan tarwa ns ad gan nγ d uhu .?! asntl aḍni a y an… Is as nit ran afulki nvd anna d ka izrin ar g is issumum… Ya! Tamzirt inu tamghlalt ityakarn ad tga…

Tagara, ayyuz  i Imaziγn n Libya d win Tuns (Tunisie) xf tafsut n tdrfit (La liberté)… Macc ur t a d itlkm tizi maγ ad tsunfum… Tinγ ar sul srs ntqql, iγ nmun nssisfiw tiγawsiwin ngr a tnγ, nadd i w-aggas nγ… nfγ aku d an s usays n Tafsut n Tilelli.

Iddr Agrram

Fel Tannayt

Email-inek ur d-itffeɣ ara. Urtiyen yuwren ttwaseknen s *

*
*