Home » Tamdyazt » Ijiwjiwn n uhyyaD -1-

Ijiwjiwn n uhyyaD -1-

Amz at awal inw hati nga ahyyaD
kul ma iZZa yan i ratt sul ikerz
igit timimin ngh akw ig afrZiz
ra is ig asafar nx as ig aRmmaD
tudert tgit aZeTTa ilan atig
ya ighwin ifili ns ira at sul izlg
ignu timlsit ntel x uSmmiD
yan t ur ighwin ira dd ixlu afggig
icc tammara w-ussan icc imRZig
ijla yyi ifili n tudert x uzemz ad
ar ka tllmx tiZDit ar n ttmnid
usigh taghwuyyit nDDrn gh umdduz
nkcem ka tillas s imik n uDgwig
ncca tigilmt x imi nek a y-anuD
ncc takat nek ur sari ikwrm uDaD
nikSSid f wiyyaD adur gn ghmk ad
AGADIR LE 29/04/2011

Comments

  1. arhazaf mohammed yeqqar-d:

    Azul i umedyaz nnegh axatar:
    Illigh ghrigh tadyazt nnun snat tikkal frigh is tbedda ghif tzemni aha tili udm afelzaf .Tudert tga aseTTa .AseTTA iga tudert.AseTTa iga udm n tdelsa .Ku yan d ma amnek as t iZerra.Illa umziray yili umyallay .Tudert temmim zeg yan waZey day terzag zeg wayy-aD.Kud temmim terzag.Kud terzag temmim.Maca llan wi-lli mi terzag aliD am imkucern .Ayyuz nnun.Ay-a ayd ukzegh meqqar ur ssingh mayd igan aRemmaD,nDDern,anuD,izleg,aDgwig.Ar tettergh ad i ssurfn imeghran mec zgelgh taghuri.

  2. D. Garhou daoud yeqqar-d:

    azul,
    ayyuz nnk a gwmanu lhanafi f tmdyazt ad,rrih ifulkin agh tt tgit ,rrih nna ifulki ar yi d issiktay kra n izmaz gh isuyas nga gisn ahyyaD.

  3. H. Adaoui amaynu yeqqar-d:

    azul arhazaf
    tanmirt tagwmat f iwaliwn nk
    aRmmaD : aZbbaR . la douleur
    n DDern : tomber
    anuD : la ou le forgeron forge le fer
    izelg : tisser le fil
    aDgwig : les etincelles ou faibe lumiere

  4. arhazaf mohammed yeqqar-d:

    Azul i Ayt Umaynu :
    Tanmmirt nnun f usefru n iwaliwn lli ur ssingh.

Fel Tannayt

Email-inek ur d-itffeɣ ara. Urtiyen yuwren ttwaseknen s *

*
*