Home » Tamdyazt » Tayri n Tirra: Tarzzift i AZA Taziri

Tayri n Tirra: Tarzzift i AZA Taziri

Igr n usnflul gisn yat tmghart
Tkara tamdyazt tadla s issfra
Tayll f ill ungal turrid s taghart
Tawid gh tullist taghrarin n ufra

Tayri n tirra d uskkil Amazigh
Taskla imaratn anghmis zmmimt
Aza Taziri slagh kmm ann ufigh
Aslal ann tzdit isd ingi s tamimt

Anaw asklan azwel ida n ufugh
Assagh n umaru s tazuri nm iziln
Illis n Tmazight ultmas n igigiln
Adlis ann d iluln tara ttn gh unugh

Im Rbbi s tighzi n tudrt ad zilnt
Ad am ngdnt gh tumrt ad gisnt
Tawit idrfan gh igr ngh adlsan
I tmktit n tamagit fagh isasan

Zalhoud

Comments

  1. garhou mohamed yeqqar-d:

    azul
    ar k bahra nssimghur a ssi muh f iwaliwn ad lli d tiwit f yat tmghart ilan atig ,igan lall n ssi3r amazigh,ar as kullu nttini :ad am isfulki rbbi tudrt nm, kmmin ula arraw nm!
    ayyuz nk ula kyyin a ssi muh

  2. Azul gwma Mohamed Garhou
    Tzil tannayt nk
    Yattuy uswir gh llan iwaliwn nk
    Tanmmirt nk
    Tudrt i taskla tamazight
    Ad igutnt tumgharin igutn irgazn anaw n Aziza
    Ar timilit
    ujjigh ak afulki d ufra d tumrt gh tudrt
    gwmak Farid Mohamed Zalhoud

  3. Aza Aziza Nafia Aza yeqqar-d:

    Azul mass ZalhuD,
    igr n usnflul ijujg ifrujja s tirra n imaratn imazighn zund kiyyin d mass Garhou….. imaratn ixatarn! usinin anzgum n tutlayt d tmagit nsn!
    Nkkin a mass ZalhuD, iga iyi addur mqqurn ad iyi trzzft tamdyaz ad nk bahra iZiln, mu mmimnt tguriwin ns! macc s tidt… hann iggut flla wawal ann!! acku anaw inu ur Dfrgh abla abrid nnun! abrid lli mu tkkism kwnni ifrgan!

    Tanmirt nk kigan d ayyuz nk f twwuri nk taxatart.
    Tanmirt nk kigan a mass Garhou f iwaliwn nk Zilnin, addur axatar ad iyi gant tguriwin nk! ayyuz nk awd kiyyin..
    ayyuz i imaratn d tmaratin n wamur ngh, ayyuz i ku ma yusin anzgum n ils ns ad yili addur ns ngr wiyyaD! ayyuuz i imsnfluln ngh imazighn!
    Tanmiiirt

  4. H. Adaoui el adaoui lhanafi yeqqar-d:

    taziri tgit tamazzalt ur ilin anaw
    n tirra d wawal igan ma ittini yan

    imaratn fkan agh tugga fkini timitar
    mas tsbidt afggig ann s usqqil n wul
    ifili idus i tiddi ns ra ykk tasutin
    ig addal ig tafggut i tmyurin ngh
    ig tasmert tbiks tmagit takwi s umawal
    tily atig tily agh addur tlkm tayafut

  5. Aza Aziza Nafia Aza yeqqar-d:

    Tanmirt mass el adaoui lhanafi, amdyaz axatar
    Ayyuz nk awd kiyyin, Zilnt tmdyazin nk ula tagharast lli snt ttarat!Ayyuz nk
    Tanmiirt

    http://www.tirrawal.canalblog.com

  6. Azul ultma Aziza
    Azul aytma Mohamed d Lhanafi

    Ar kwn dagh ssimghurgh
    Ar kwn dagh snimmirgh

    Ar timlilit
    Ujjigh awn afulki d ufra d tmurt gh tudrt

    Gwmatun Farid Mohamed Zalhoud

  7. fatim jdid yeqqar-d:

    ayyuznun ayaytma ula kmmin awltma aziza;ddisayyi ssusam igha sflidgh digha tmnidgh idbu ssi3r ntmazight disayyi ura ttamu ignna ula akal igh aqqragh tmdyazin tixatarin nimdyazn imazighn llimurilla wanawnsn;ulinu disa tfrifirn igh sngh isilla mayskrn xtmazight urgh srsnt fixxfawnsn adurtslint akal…. tanmmirtnnuuuuuuuuuuuuun attassssss;ultmatun fatima jdid tamarat llimata urifaw ubrid nusnflul

  8. Azul ultma Fatim
    Tanmmirt
    Ar km ssimghurgh
    Ayyuz nm
    Ar timlilit
    Ujjigh am afulki d ufrad tumrt gh tudrt
    Gwmam Zalhoud

  9. igider casa yeqqar-d:

    azul imdukal dtimdukal ayuz amas zalhoud ayaghbalu n umarg amazigh awada isirimn ikuyan tudert ighudan inxak isul ar itili umalu x du wargan ayargaz nighd is akw ibi ucaqur izzuran nes ar itakuf danet n wargan ad sigilex niki s usafar inu dkyin

  10. Azul Igidr
    Amddakwl inu
    gwma
    yiwis n tamzight
    amaynu
    atrar
    azur iddrn
    asghar azgzaw
    afgan ilan atig igan atig i taskla tamazight d ufgan amazigh!
    Tanmmirt
    Ar timlilit
    Ujjigh ak afulki cd ufra d tulmrt gh tudrt
    Ad gin ussan nk zund tammnt dw udi!
    Tamimt n ugmmu
    Farid

Fel Tannayt

Email-inek ur d-itffeɣ ara. Urtiyen yuwren ttwaseknen s *

*
*