Home » Afccad » Ar ka sul ttarn ijddigen

Ar ka sul ttarn ijddigen

Yuzen agh-d umddakkwl negh Abdellah Buzendag yan ufcad xf tmttant n igellin Hasan Ibiqs Tamella n bab n igenwan fellas, tizi lli gh immudda uneghmis ad ihercen, syafant inn imeghnasen lli-t issnen d tawja nes d imddukkal, ar nsfcad gh tsghunt n “Amaynu” ameghnas ad i tawja nes d imddukkal, mek lli t nsfcad i gw matnegh Abdellah Buzendag fghnit. nadj tamdyazt nes ad tlkem iman n umeghnas Hasan Ibiqs lli issunfan izger s tudert ann yaden.

Afcad i igllin n umghnas Hassan Ibiqs

Ayhayya a tudrt ad ur sul tmmimt
Aghiluf ad agh d ka sul ttawimt
Ifta urgaz tiwit tn a tayyught
Ur nmsafad ur agh ka tujjimt
Amtta ighli d iffi d zud isaffn
Ingi gh ugadir iwatts tassurt
Ibiqs iga zud issim yiwi angh
Yugga d ka srgh izug ur t sul annaygh
Hassan ur yafud ur yafud wawal ns
Ghama gh ulawn ngh zdgh gisn tmyurt

Abdellah BOUZANDAG
Rabat 11/10/2009

Igllin n Hassan Ibiqqs

Igellin n Hasan Ibiqs.

Comments

  1. tanfzati yeqqar-d:

    ad issunfu gwmatngh ibiqs gh ufra
    tazidra i tawja ns d imddukkal ns

    ayuz i gwmatngh buzandag f ufcad

  2. arouhal khadija tililly yeqqar-d:

    azul tamlla n bab nignwan flas mqart ur singh sudm syafagh itgodi aylligh tgchim tasanw sllawan ak ligh ghrigh turart n gmatngh buzntag adas izighzif bab nignwan gh ussan tanmirt

  3. ddouch larbi amasus yeqqar-d:

    tamella n yakuc f gwmatnh lli iggizn akal
    ifl d attan d umtta gh titth n yawja d imddukkal.

  4. argaza -nn iga yan wanaw bahra idrusn ; gh imeghnasn lli ganin tamagit gh idammn nsn ula iman nsn .inna rad fllas tinit idrus as. macc igh ur turu tmazight zend ntta iqqand ad taru mat yugern.at iwala Rbbi s imedla ns irzq SSbr i tmazight lli-t yurun.

  5. waxxa icqqa unbdu d imghnasn zund gmatngh lli tiwi tmttant imzzi nit sul mac igh dagh nurri s tillawt ar nn nttafa masd amadur nghd afgan ar izray gh krad iskkirn Ilul Idr immut nknin ghilad nzri askkir n ilul ar nzray askkir n Idr ighama yaghd Askkir n Immut kra igat yan ira at ilkm zund ikka timidi n usgwas zund ikka asgwas tanmirt igmatngh buzndag …

  6. mohammed ouafi yeqqar-d:

    ur sar immut umghnas
    iddr isul dar ayt mas
    iga yasn amddakkl gh ugharas
    d tinirt issisfiwn tillas
    d usafar ijijjin tiggas…

  7. ex-milittante mca section agadir yeqqar-d:

    ad irhem rbbi gwma t negh ibiqs igtin g uswir kullu mqqurn g dars,irzeq sber i tawja nes mzzin,ula tid mqqurnin,tawja n ummussu amazigh d tawjja n ummussu adlsan amazigh,lmawqi3 n ugadir lli mu iga iwis.inna li llahi wa inna ilayhi raji3un.

  8. Tilily yeqqar-d:

    Tamlla n yakuch f umghnas n umussu adlsan amaziv
    mqqar tsnnsa tmttant tifawt ns gh iggi wakal
    isul ukan sol gh ulawn nagh d kulu imghnasn n tmazivt

Fel Tannayt

Email-inek ur d-itffeɣ ara. Urtiyen yuwren ttwaseknen s *

*
*