Home » Tamdyazt » Tanfult n tallunt

Tanfult n tallunt

Usin d imula ahbarrak zgrn d ar asays
Imnirn da n iggi n ikfifn ssutln as
Ayyur issugga d titt izwur d itufawt
Usun ula mad gisn ira knt a lunast
Aghad da ifduddan izuzzr isufa nns
Ilmawn ar ssumumn lhif n takat
Tiklit s tayyad ttarm nnun a assus
Ganga isndudi iswak isasakn a hnsis
Ar isbirrih isaqqsa knt nn a tallunt
Trar as ar ttini sugwm a t agwma tatayt
Imhddrn g ubaraz tanmila n udaras
Ur ta agh d ilkm ugrd yusin tamdyazt
Tallunt ar tt ittarm udad ku yan snqrn iss
Isawl umdyaz yall taqqayt yini d g umssuss
Tastut ittr gis dar bab n ignwan s tmawast
Issdfr as assnbg n ugdud d wafulki n lunast
Taghrit ula loyad n tarbatin sahan as
As inti izlan d tulgha nnunt a tamunt
Iluh s imurig yusin tawingmt n usggwas
Isnuml tayri nns is as trwas azwag n tillas
Asyrur n badad ijla giwn ussan n tudrt
Aggasn n wul nns imla am tn a tawtmt
Agdud issusm t umsawad yukz nn awttas
Ismd awal nns s tughzift nnunt a tamunt
Tasmghurt istahlla tt tlkmt in ara fus
Tawnza as tt in yuznn,tsmun tt inn d urqqas
Ayyuz nnk ! anzgum n umata as ttirirt
Tujjut n lpbaqq d ufulki n ujddig n taynast
Talalayt tettyalas ahnaqqar ar ittsis
Azawan n ganga d tallunt yattuy,tili tmnawayt
Ur illi bla rrkz n taghsiwin d uzdag nnk a ahidus
Allun ittyawkkat,talwut ad ittiri umsiyys
Lxabus d idukan d umsasa n tmlsit
Tarddaht n tghrad,iwiz n id ad ila tisnt
Inddamn ar swirriyn iggitn n wawal ganin isuqqas
Aztta n wanyatn s tguriwin,ku yan inna tazrrart
Anazur issghli ayt umarg iwin d anfitas
A mad dar tawala inat asn irbbi ad d nkrn s usays
Ihuyak ula tizrurin,tarbatin rarnt s tmawact
Yan udar as ttasint, yan unya as tcttahnt
Lhnna gh tdikal, udman lan kn a asmis
A wanna iran litihal isala knt a tasmmstayt
Afulki ibda t rbbi ku yan s imikk nns
Afulki ittyawsfsar,izula rwasnin win ingwlas
tallghatin n taqqayt tamazight drfnt gh tudrt.

Fel Tannayt

Email-inek ur d-itffeɣ ara. Urtiyen yuwren ttwaseknen s *

*
*