Home » Amarad » Timdelt tamezwagt 2

Timdelt tamezwagt 2

Ssizwaregh adar inu afasi bdergh assagh n Messi negh (Rebbi), ibbi-n giti w’awal, ibbi unyalkam ger y d ixef inu awd ntan. Kcemnt y kra n tkeddad ikkucced akw ilem iburec, ghalegh is y tumed tawla n udemmid. Mac tidet ad st inigh, adghar ad gh lligh imyawad1 d umadal n imettinen2, imyallad3 d win imuddaren4.
Ssutelgh f tesga tafasit, biddegh f temnadt n iserdasen imuselmen ar aqragh ma-d ittyuran f idran n timdal nsen. Ufigh en mas-d azgen n iserdasen ad immut gh umenghi5 amadlan6 amezwaru n 1914-1918 ; azgen yaden immut gh umenghi amadlan wis sin n 1939-1945. Iserdasen ad akw gan tarwa n tmazgha, zegh Lmeghrib, Dzayer d Tunes, igh ssunfegh yan sin isaliganen lli disen ittuyemdalen acku gan awd netnin imuselmen.
Id bab n timdal ad walan idefriren7 n imandaben8 gh tzemmalt9 tafransist. Tkkesten tenbadt n Fransa gh uzemz an i ayt darsen d tarwa nsen d tmazirt nsen ; tget n d ukeccud ma-d i icetta w’afa n umenghi gh inkan n imaghen gh udupa. Feln tabbanka, asemmawed, ilemdaden d tayessa lli f-d nkern, sselsin asen icendaden10, fkin asen ticenyanin11 amden abrid, ssudun agherrabu wattsen ibawilen12, ilin ger izrgan n unezwi13 d uldun.
Irgazen ad traten Fransa ad as gin tiwisi d tilila gh tassast lli gh tella, tizi lli gh t gan ilidanen inaziyen ddu ufus d udar. Mac, tanniten tannayt n umekraz i w’awullu nes, ghik lli tenna trabbut n izendaren :
Ad nga zund awullu da s a ikkerz ufellad-i
Ar sers ittasi ddabat inakras lxir-i…

Isul…
Amawal :

1- imyawad : inyalkam (se connecter)
2- Imettinen: wid immuten (les morts)
3- imyallad : ibbi anyalkam, ibbi tazdayt (se déconnecter)
4- imuddaren : wid isulen, wid iddern (les vivants)
5- amenghi : inaghan (la guerre)
6- amenghi amadlan : la guerre mondiale
7- adefrir : tarabbut n iserdasen (régiment)
8- amandab: tirailleur (adefrir n imandaben : régiment tirailleurs)
9- tazemmalt : l’armée
10- acendad : fusil
11- ticenyanin : les balles
12- abawil : champs de bataille
13- anezwi : climat

Abdullah U Mudemmad Amasine

Ass n : 22/06/09

Fel Tannayt

Email-inek ur d-itffeɣ ara. Urtiyen yuwren ttwaseknen s *

*
*