Home » Tamdyazt » Asif uzzmu

Asif uzzmu

ingi w-asif uzzmu yiwi d amarg
ingi s-waman n unzar ad isu w-akal
imghi ujddig umlil imghi w-afar
urrin d igdad lli zugnin gh-uzmz irafan
skrn iskki gh taddagt ikiddw ula tazart

ingi w-asif uzzmu yiwi d amarg
yiwi d tirghi n tafukt yiwi d urarn
igh dax nra ad nhuc azmz hati nufatn
nrmi iwiz gh tagwnit ayur hati tama nx
ngid umiyn iqburn nkti d imanarn

ingi wasif uzzmu yiwi d amarg
yiwi d arratn umzruy innax ssgher attn
yiwi d adu uzuknni d wargan gh w-afatn
yiwi d amud n tayri inna gh krzayt
hayyi usix awullu a gwma brrkat gh tamanw

____________________________________
Amdyaz : HAMZA ABDULLAH QASEM
Tafrawt 15 Ghuct 1983
Aghmis n “Risalat Al Oumma”

Comments

  1. lhassan boussaht yeqqar-d:

    azul manzakin agma ark snimirkh bahra f timdyazin ad nnak ar tmanakh ad ili dark kra n tmaynotin izidn tanmirt.

  2. amehdar yeqqar-d:

    azul gmatngh qqasem
    ark ttini tanmmirtnk f mayad lli ttiwit gh ssit adnk bahra ichwan surtout s iskkiln lli kullu igan win tutlayt ngh tamazight .arak ttinigh adak ismd sidi rbbi kolmma tnwwiit htudrtnk .
    irigh ak saqqsagh agmmatngh is dark llant ulla is tssnt kra ntuqqsidin ulla kra iwaliwn ddrnin lli ittuynnan f wargan
    tanmmirt

  3. Mohamed boussahet yeqqar-d:

    azul
    ark nassnimir agma fatmadyazin nak hati ssoussamantyi bahra ark ntdalab ighilla kra ssoul natmadyazin arkanssnimit tiklyt yadanr tanammirt

Fel Tannayt

Email-inek ur d-itffeɣ ara. Urtiyen yuwren ttwaseknen s *

*
*