Home » Tallast » Mm izula (Khadija Abenrousse)

Mm izula (Khadija Abenrousse)

Ultma tngh xadija tga gh wanaw n tutmin ibggsn ad kkrznt igr ngh inusan s uskrz n tirra, tzwar yad is-d tugm zg tskla n wiyyaä umiyn, trar tn s tmazight, tssfagh tn-d s ism n “illis n waman”, tawi-d sisn tasmghurt n usinag agldan n tussna tamazight g usggwas n 2007, hatt id dagh tudâ s tussna d taysi ns lli tt yurun, tgru-d gis kra n tzêllayin ismrghan, tgr sisn tazra ad lli yagh tugwl s warra ad ns amaynu mi tga s ism n “mmi izûla”, arra ad lligh rad nghr kra n tmitar f tmmughra n tawtmt tamazight d waddur ns axatar d tzmmar ns g isuyas n tudrt, rad nn naf tawtmt g udlis tfrs, tusi tamasayt n tarwa d tawja, tzziär, tbdd g umnid n urgaz, tg as tanggut, tga tazayya ns gh ku igr gh igran n tudrt!

Arra ya-d rad gis naf sin wanawn n wallasn, anaw n tnfas lli addrn middn afad ad sisnt ïïln i tazzanin, zzrin sisnt atign n tmtti I warraw, sslmdn asn sisnt tigharasin n wawal; d yan wanaw lli ikcmn g umiyn lli mi ttinin s tfransist “les mythes”, hat tullist igguran lli mi tssagh “mmi izûla” tga zg wanaw ann idrusn acku ar agh tmmal azûr n tmyurin d insayn n isgwar ngh asifä ngh asisl lli skarn imazighn ur d ghas gh tsga n tznaxt, macc gh izzlmêd n ifriqya akkw!

imsiggiln d id issnafgann rad afn ilmma g warra kra n tifawin iznçrn f kra n udmawn n insayn imazighn, rad nn akwzn kra n tsura mas rççmn tiggura iqqnn n tussna ngh!

rad yanni imghri n idrisên ad is ultma tngh xadija tura tn s tgharast lli d iswan g taysi taqqburt, macc tga asn tisnt n tutlayt tamaynut, tujja asn timlsit n zik, macc assrf nnsn ula tizuzaf nnsn gan itrarn g tgharast n wallas ula tirra ula azttâ n tguriwin.

Arra ad amaynu lli hêra d iffghn g ussan ad n wayyur wis kkûz n usggwas 2009, gis 120 n tasna, ittyiri s uskkil alatin d tfinagh, ilin gis krâd umiyn d tnfas n tmazight.

clip_image00223

Comments

  1. mazis yeqqar-d:

    ayyuz nem ultma tengh khadija f udlis ad lid tesffaght temlit gis masd tamghart tezadr ad tekf awd netat cigan i tusna d tutlayt tamazight tiklit yadn ayyuz nem

  2. khadija abenrousse yeqqar-d:

    azul mass mazis,
    tnmmirt nk f tannayt nk.
    zuzdhg ad igutnt tilly d willy ak ittaran s tutlayt tmazight.
    tudrt i tmazight.

Fel Tannayt

Email-inek ur d-itffeɣ ara. Urtiyen yuwren ttwaseknen s *

*
*