Tffgh d ussan ad gh ugadir yat twckint tamaynut n tmdyazin n mass Mohamed Mahou, izazwl as s ism n “iftasn n ul”, tawckint lli istin abrid amaynu gh tmdyazt, tkcm gh ungi ad ngh tayyught tatrart  n tirra n tmdyazt, mqqar tZli s tmitar ns d tfras ns lli rad yakwz wanna tt ighran.

Tawckint ad gis 60 n udm, d 18 n tmdyazt, ttyarant…

Usix tazrt ar nzuzzur kigan d awal
Illa iRiz n w-awal netta yulwa zund alim
Yili w-awal ilan atig isti zund aman
Tirct n tannayin a nn ufix gh idlisen zdinin
Isawl udlis n umzruy inna yi gwmi y-ax
Tifert tamzwarut illa g is ma s ax-d ufan
Ifden n isggwasen ad nsul n ger targanin…

Tgit-en aḍar, gegh-en aḍar
Righ ad dim drugh abrid n tudert
Izemuẓẓal nem ar tighzifen, ar tiḍnin d ar tdusen
Winew ar tigzulen, ar tisdiden d ar tamumen
Tssunfet iy zegh tmssektit nem, tettut iy
Tssukeft iy zegh tkuyasst nem, tessak°it iy
Tmunt d wiyaḍ, tget asen timelsa d imessa
Tssisfiwt asen aḍan, tessanfet asen iḍersan…

Amdyaz d unfran mass Mohamed Arjdal, lli d yad issufghn gh usggwas n 2009 arra ns amzwaru n tmdyazt s uzwl n “aylal n iman”, yurri d dagh s usays n usufgh n idlisn, lligh d iDi tawckint ns tis snat da mi isti s uzwl tikklt ad ism n “ifugga n tujjutin”.
“ifugga n tujjutin” iga tadla mZZiyn n 19 n tmdyazt, ittyaran s uskkil n tfinagh…

Unnigh nn gh tisitin
azmumg n tafukt,
imatrn tawnza ns
ad tssls tamlult
iRccmn i ignwan!
tg as asghns s tifilla ns
tghmu yas lHnna
gh tDuDin s iZnZarn ns!…

Zrigh tt lligh tkka afus
Nikkin,d tawja nga as afus
Ku yan yall s rbbi tidiklt nnk a y-afus
Angaz yumz adar ula afus
ktigh a immi is km sayagh afus
tufawt tkka-d ignwan tsmd i tmgna n ufus
taghuyyit n tlalit tzuzzr tummrt gh izuran n ufus
nttuk a y-angaz,nrwi taggwlla s ufus…

Iffgh d ussan ad gguranin warra amzwaru n mass Ayad Alahyan mi isti s ism: wis sa ignwan.
Arra ad iga tawckint n tmdyazin imZZiyn ifssusn I tghri. tZli tmdyazt n mass Ayad Alahyan s kkuZt tghawsiwin:
1- tutlayt ns ifssusn, d tguriwin lli d ittagwm gh isaffn n tudrt n kuyass lli nmyar, ar ilmma rZZmnt tiggura nnsnt I usakwz n walli yaqqran bla kra n tmmara…

Sg mad ur ira lmxzn gw Actukn ad yadj imddukkal g Umussu Anlmad Amaziɣ n Actukn-Biygra, ad skrn tilal n imussutn nsn g brra n tinml nɣd Llisi, lliɣ ran add ṭṭayn « Anmuqqar n inlmadn » g umuli ns wiss sin asggwas ad izrin (Yebrir 2959) s usarag n tdlsa Ṛṛays Sεid Actuk lli igan amaynu g Biygra nɣd tigmmi n iεrrimn Burḍu, aylli nzra g usiwḍ nsn llid…