Itti nn… itti nn a yasmmiD
Add s ik ur nels tafawwut
Itti nn… itti nn a yasmmiD
Add s ik ur nmsi tafuffut
Itti nn… itti nn a yasmmiD
Add s ik ur nasi tasafut
Ad ak nqqd tiwallin!
Ad ak njdr tinfurin!…

Askkil ad lsan
Askkil ad kkusan
IHban s ibaDan
Ibikks s isasan
Rghn as ixsan
Ula ma-d rban!
Timlsit n ifalan
N ilmawn…

Mklli t tsml g ulghu lli tsizzl i ugdud n masst ula win bṛṛa, tskr tmsmunt afrak yat tsutlt n usmuttg f tutlayt d usslmd n tmazight g uzddugh nns gh masst ass n 04 d 05 bṛayr 2010, ittuẓlayn i islmadn d imzrawn d willi tt yiwin g tutlayt tamazight. Macc idrus ma iḥaḍrn g islmad (ur nssin maxx) slawan akkw willi isaqran d willi ra isaqqra…

Izd a winu ad nurri s w-awal n ifssi
Ig ifssi y-awal
Nara ay lli g is  illan
D mad agh usin ussan
Ad nmun d ifssi nfiss
Ifsi gingh ig awal
isduy gingh taghwyyit
Turrid taghlaghalt
Tssens takat n tillas ngh
Nssen  ukan mani as a ttawint
Tiguriwin ns igh a tnt gwmmigh
Ng amdyaz ar g is nzzenza tiguriwin
I wili imyarn ifssi ad ig awal…

Sawl a y-ixf inu ini matrit rix a yyidk nmun.
Sawl a y-ixf inu han ur akw tksudem yat.
Sawl a y- ixf inu d ils inat mad tufam .
Awal nek iga imrzzig ig alili n w-asif.
Iga zund afrziz ur sul tt- n iri yan.
izd ixf inu nit ayad nigh d kra n wayyad
ghix acbar ghid nfk aqqryan i w-awal
awal inu as rix ad t nissan ar as nsflid …

Imik n twargiwin
Gh usga y-an n tflwin
Qnnin rglnin
Gh darat tghdwin n uzzal
Agh n annigh ankraf
ur issin ID ula azal
ula assaghn n ussan
urat ssiwidn iskraf …

Ikka tt inn dawkan tlkkm tizi lli,  ar itthbu gh wafud issan n immis tamqrant ; talli yas issmyarn umiyyn fulkinin f wakud ann yaggugn ittghzan g umzruy . tiguriwin ngaddanin ad d ittnsmadn gh imi mi ttkwlan wancucn s idrfan n isggwasn ,  imi da mi d ssusn yirn uxsan abla yan wangwlla ,  imi imdin tudrt n wussan iskr gitsn izlan ,  alln n immis tamqrant drant nn…