Home » Archive by categoryTullist

IS LLIƔ ?

Illiɣ ifka tisila nnes i ubrid, ar itteddu, ur issinn ma s idda. Inɣa t umary n umaynu. Ass nnes amm wasnaṭ. Imal nnes ibnubk. Kra n tmitar issumrn ur llint. Ar isbbircil. Ay-nna ira ur t yufi. Yusy anezgʷum izḍayn yugrn wi-n uẓṛu n Syzif. Gar tawuri art isdiddiy amm cra n uwddin (fantôme) zeg mayd igan aẓy. Anumc (l’amour) ur yad ili tizzulya nnes. Ikka kud iga anelmad g usinan aznezgay (qualificatif) , g usemhuy uzriw 1973-1974, yaɣ ger wallen n yat tḍeẓẓant (belle fille) . Tudf tmija nnes ul nnes alley ur izḍaṛ ad ids ibḍu. Ass nna gis ur ids inmiqqiṛ illas. Ur ar ittannay asidd xas s wallen nnes.
Ɣer uggar

imṭṭayn d imṭṭawn.

Ifsa wayfs ifsr tifras n tfsut, tafukt tsfalki akal s ikwlan n takat n ukttay, aman usin iman trmn i trgwa arfn irafan, agrur gis amrur n ihray ittrwaln g imi n rruraw ran tasukt n udrar, aggu n tgmma idl agama, aylaln ḍin isaylaln, tizrurin zrint asint tizrrarin, g iggi n isk n ugwni n tiskin aɣ nn imzalal iẓẓi tizrigin istɣn taɣssa n ussan isisn s trɣi n iɣrramn iɣrmn amarg iragn aɣlal n ilalln n ulawn, tamẓa n ugadir n tmẓin tmmẓli s uẓẓu bu iẓuṛan. massa mammas g igr n wammas ar tmggr ilumas, xizzu awraɣ n turtit n uɣlad immzr i izurn iqqd

Ɣer uggar