Anzwum (Moha Mallal)

Anzwum iga tadla ngh ammud amzwaru n tmdyazin nna yura mass moha mallal, lli d iffughn sg tzrigin n « publisud » g warzazat, gis 140 n tasna d 46 n tmdyazt ittayaran s tmazight d usughl nnsnt s tfransist lli iskr mass omar akesbi.
Tazwart n tadla iskr-tt mass Ahmed Haddachi.
Mklli nit immal ism n tadla ad timdyazin n udlis kturnt s tmitar n inzgumn nna

Sawl s ighd (Abdellah Lmennani)

Iga 3bdllah lmnnani yan gh i3rrimn n ugadir ittwayssann s tirra ns gh usays n tmdyazt tamaynut tatrart, issufgh-d gh usggwas n 2003 tawckint ns tamzwarut n tmdyazin s ism n “sawl s ighd”, gis 82 n tasna d sdîs d mrawt n tmdyazt immimn d tzwart lli as iskr mass mohamed Akunad.
ha yan ugzzum gh yat tmdyazt n twckint ad ittyaran s uskkil alatini

Aghum n ihaqqaren (Lhoussain Azergui)

Aghrum n ihaqqaren ism n ungal amzwaru lli d iffghn gh usggwas n 2006 i lhoussain Azergui, ungal yiwi zwar yadlli tasmghurt tamâdlant n tskla tamazight gh sspanya gh 2004 lli takka « Fondation David Hart des études amazighes ». ungal ad ar isawal f tmukrist n tlelli n iswingimn d tawda gh tmizar n imazighn, d tkssâd lli ittkkisn I middn ad sawln, krfnt asn ilsawn

Ijjigen n tidi (M. Akunâd)

Mass akunâd ikka tt nn yan mnnaw isggwasn aya issufgh-d yan ungal lli yiwin tît n imghri d twngimt ns « tawargit d imik », isawl gis f tmukrist n tnbâdt d tutlayt d ddin, ttwayskarnt fllas mnnawt tzrawin gh tizi ann.macc ur ibdd gh uzmmazzêl ann, ig nn asurif yadên gh wanaw ad n wallas, issufgh-d ilmma gh 2007 ungal ns wis sin s ism

Amenukal mzziyn (Lârbi Moumouch)

iffgh-d gh yanayr n usggwas n 2008 yan warra ifulkin n mass lârbi moumouch, iga asughl n tallast tafransist (le petit prince) n umara afransis Antoine de Saint-Exupéry. arra ad iffgh-d sg tzrigin n tmsmunt n afrak gh mast, yawi i bab ns uggar n kkûz isggwasn n twuri d usiggl afad ad iskr kra n tghawsa lli rad yall atig i tussna d ils amazigh.

Illis n waman (Khadija Abenrousse)

adlis ad lli-d tssufgh-d ultmatngh “khadija abenrousse” iga s ism : «illis n waman », tfsr gis mnnaw umiyn I tazzanin, ttyasayn-d zgh umiyn n ighrfan yadên gh umadâl, ttyaran idêrisen ns s yat tgharast tabidagujiyt ifawn lli s izdâr ad-tt yakwz kuyan, s yat tmazight ifssusn izdgn lli d ittagwmn gh ughbalu n tmazight taxatart s sin iskkiln alatini d tfinagh, d iklan gan win umaklaw lârbi ddouch.

Timilla ifersn (M. Akunâd)

Gh usays n tirra n wazzan d usughl n tskla tamâdlant, issufgh-d dagh umara ngh imqqurn mass akunâd yat twuri tamaynut s ism n “timilla ifersn”, ig warra wis smmus gh igr n usughl dar umara ngh acku issufgh-d yad mnnaw yadên ttyasayn-d akkw gh tskla tarusiyt d umiyn ns, gan mk-ad: vasilissa tafalkayt d tiddukkla d gar tagmat d illis n ugllid.
amggaru ad ittyara s tfinagh d

Tizelfin n ulili (Lhoussine Ajgoun)

Issufgh-d umdyaz Lahucine Ajgoun asggwas n 2007 tawckint ns n tmdyazin tis snat, s ism n « tizelfin n ulili », tagara n mad-d yad issufgh tadla ns izwarn lli as-d idî usinag agldan n tussna tamazight s ism n « izûran n tudrt »
tawckint ad tiwi tasmghurt n usinag (ircam) g usggwas n 2007 nit gh usays n tskla, ttyiri s tgharast tamaynut

Agad n tidt (Tayyib Amgrud)

Agad n tidt iga tawckint tamzwarut n umdyaz amazigh mqqurn Tayyib Amgroud, ilint-d gh ugharas snat tawckinin yadên gh mad nn ur yaggugn:

– ugwzirn (lli nn illan g tzazwlt).

– d inagan lli nit sul ittqqln dar usinag agldan sg usggwas n 2006.
Tadla n mass amgrud izwarn: agad n tidt yura fllas Mohamed Elferxsi yan umagrad izîln issisfiw-d gis kra n udmawn n twlafin d iswingimn d inzgumn lli

1 2 3 4