Ma gh nga?

Daoud Garhou

Yan imikk ibidd walli ur sul iri tawada…« irra…irra » inigh as sul d ughda, ur iri umzzur ad nn yasi adar inti ar ishurruy a lligh gis ttffughn g darat, ssfn gis imzzagh izra nn sin middn lsanin tarazalin ttkkan abrid n usun, ar zuzzurn kra n tafriwin, isnru g ussnbg nns ifck idarrn da ittbzdad ar ittmma imi…ayhay ! is tn inn yadda yukz winn ar nn ttkkan usun yat twal g mnnaw isggwasn, willi as isudn gh umzzugh aya nn skhrrmn t f twwuri, isfld asn tiklit lli nnan rad fkn aman..slkmn agharas..sghudun tudrt n usun , acrmlal ikti aya nn yummr…

Iwnnan n tgwlla

Daoud Garhou

Awal inu ssntigh k s ism n bab n ignwan
Asigh d afcku ad tnt dagh issnu yan
Ssrghagh aghad ng nn tikint itkarn s waman
Ar swadgh ad sisn,tiklit nna yi nwan
Tummazt d ulbbic d urway g iggi nnun a inkan
Tagwlla ad d salagh ix tnt ira ku yan
Ifassn inu g imi takat ar ukan rqqan
Aggu n ucfud d usghar iqqurn ar yi sallan
Alctutm d igiwr f izumaz d tkni …

1 2 3