Loading ...mai 02
Tawlaft n udlis « talayt n imandiwn » n dahu
: Aziza Nafia Aza
Anaw: Amagrad
Mnnaw(t) ad yuran tannayt : 10
10 Tannayin xf “Tawlaft n udlis « talayt n imandiwn » n dahu”
Flagh Tannayt
Tasna 1 Seg 11
mai 3rd, 2010 g 03:07
AZUL amqran
Arak nttini asi hassan ayouznk f odlissad litsekert lid ismoun ya oumnid lli bahra istawhman v tmazivt v mkli k nsnimir liv tourit mayad acko kollo ma or ityouran ar it ttou.
tanmirt
mai 6th, 2010 g 15:38
ayyuz bahra, kmml tawwuri nk, s lgddam,
mai 7th, 2010 g 04:18
Azul am9ran
rikli sa tinin imzwora anwal nyan iban rtaskfelt izwarn ntgminS adaken inir agmatengh hassan iban iswir Li thyeLt iwdlisengh is rat ilkem iban ola mad gis tiwiT is itaf atig yatouyen Niren awalad ourta jo GMigh TirRans ola hsigh titbakin Nes
ayouzenk ayamazigh iselhen .
Tanmert ighoudan
juin 7th, 2010 g 10:46
tanmirtank agmatanh lonis flktabad arbahra ntchkar lah iwafa9
juin 7th, 2010 g 15:20
tigwriwin zegh ull n id.
Agwd a y ayur ,aha tinwudc ar d tsduqur f wafaten n idraren
f urtan f izurn n tigumma, f udem n tamazirt ad.
Zund akud ad agh lulgh, gh ull n tagerst, sallagh i yijawan
Ar snduduyn igwjfan d taddagin n wargan, kwddigh i wadu
N wakal ligh fallas ssifin inzaren,rzemgh allen inu f tifawt
Ifsusen f usmarghi n udem n yammi .
Sutelgh izrinw i yi ghwrban i yisrag, mac ur k ufigh ,tsawl timzinu s wawal idran
tenna yi ;han igenwan k agh itil wayur,mac ur d zund
Akud ad gh tagerst, is t ka falam tsentel tagut…..
Zrin usfan , suteln iswgasen ar ukan sul tqqelgh ad sri tagwt s
Tifawin nk,ar ak ukan sul aqragh ,x kri kat tinwudc igh ar tafuden izenzarn
gh udem n ill. isallayi akw amadal amer kiyin ,haqqan
Is ur akw tllit , abla x ugensinu, neghd is sul tagugt….
Aha ass idfer gwmas, azemz ar ukan itakwr tafsut n usfan
Gh wazga n tudertinu …
Agwd ay ayur ad tzert mad giki tsker tillawt .
Agwd
juin 7th, 2010 g 15:22
tutlayt n ufessa
Adfir n kri gat tin wudc, igh yafud asmerghi n uzenzar f udem n ill ! igh d iqqen idd s tillas ,izi idess tittawin !ifsi yan igan ussuf g iwiz n wadan ,ijlu ger imiren n uswggas,ig imir war assagh ,udmens war tifiras ,ur t ukzen imessan ,d ur t ju syafan iwdan !!!
Assef irwas gwmas ,aswggas idfer t wayyad ,ur ta ju izdar « ussuf » ad izdi tigwriwin d gratsent s ughanib n usmammi , afad ad isifsus f ull ns anzgum d wattan li yasen yugel d ad yals i tifert f gar anazzarfu li yas tmla tudert.
Tuckad talallit ns g imir n tagerst,tmun d issaffan n inzaren d ijawwan saylalen. Tkers tudert g tudemtns tawarraght !tkess as itri n tumert ger allens,tuker as imir n tafsut g imall ns, tsndudi akw igenwan s iggign , tsduhdu ikaln afad awr isella yan i tghuyyit ns izwarn. Assef ad ,rzemn akw tazzanin dis lulnin tittawinsn ,amer ussuf igellin , ur d is yugi is ukkan iggumi s mamenk !!! izri assef ns izwarn gh titt n ufessa, adfir n tin-wudc ,akud ligh tmerks tifawt n uzal d tillas n idd,irzem azzan tittawin nes f umadal n timlullay ,isbburi tent ,ikwcdas awllaf n tudert g allnes ur iffaw ur illas .
zrint ussfan n timzins zund assemid ,aylli gisent ikwti iggu ur idrus,g timektit ns ass ligh yafud « baba msàoud »ifel abakccuns i tamghart ns ,ar sers tbekkas d ar sers ttas aqllal ns ik nna t kwti !! ghkelli ur ju itu talulluct ns ityakarn ger tillasin n ulawn d tawwargitns irzan s ufus n tillawt, d ur ssar itu tawqqast n usnuhyu ifeln azemmul g ullns !!! imghi ussuf gh urti n wiyyad,ur asn igi ula ganas,mac imyar ad isen idru timyurin nsen d ad isen imdi tamimt n wawal nsen imerksen s tugt n tutlayin teg tutlayt n ufessa yat gisent.
awd yan g umadal ad anemmar izdar ad itu assagh ns amer igh as tjela timektit ns ,negh fellas ikka anufel am ussuf ! igellin afgan ad ,itu beda taguri li yas fkan imarawn ns zegh talalitns , ur ju isyafa is iga wins,awd iwdan li yas sutelnin ,aggugn beda f ullns ,meqqar izri akw timzins g urti nsn. ilkem d ussuf yat tizi ur sul izdar ad isentel timzwinyin n iseqsitn li yas beda tsutuln gh unnelli ns .
iceqqa fllas ad yakwz tiggest liyas illan ger timiwa , irmi attas ,awal d iwdan ur as isugr amya,afessa izdegh ilsawn ,ghkelli tkka twda f ullawn! ghkelli beda imyar, irur « »ussuf » » igawr dar ill igin tazrut n imarayn, g tannayt ns is ill ar isawal s ills n tiddangiwin,immagh ad yakwz mad tinint , mac awd ntan ur irar f aseqsins axatar ,yinyas s wawal idran ,zund igh iksud ad as sellan urtan ligh imghi :
– max? max ur agh allagh meqqar qqengh s tgudi?
max ur agh tallat meqqar ar thittint tiddangiwin nk s wattan ?
man anelli izdarn ad irar f usqsi n ussuf ,man anufl irwas anuflns?
awd ill ifessa , awd afessa tga tutlayt . issiwn ussuf allns i yilll ar idessa i tikli izwarn g tudert ns ,achku iferk is agh iseqsa assa n ussmammi d umetta n taddart ad! asemg ad ur igi amer anafal ur t yumi umadal ,ar itlli s wayyad !! teg tarula yat ger timyurin nes ! ur ju izmumg zergh ull nes ,ur ju smittiwent ittawin nes ,achku aylli yugel i ull ns yuger umeta.igellin ur igi amer afgan irban idurar n izengign d wattan n tasutin ,takat n wakal ,tagat n izuran awd yan isella itghuyyit n ussif ,awd yan ighwra tabrat ns,achku tyara s tutlay n ufessa man tumert as itlli ufgan iluln ger ilalen ig agherrabuns war aftas?
juin 7th, 2010 g 15:23
Igh rzanet tifrawin … !!
Awd keyyin trwaset ayur,mac ur t tgit !!
Haqqan is sul mezzigh f umadal nun! Ur ta ju ssengh ad sengaragh ger tillawt d tiwurga n ugdid ilul, isemghi tifrawin nes g aghzu n timyurin d iswingimen n tasutin zegh amzruy n tillasin !!
Awd keyyin tghalt is lsigh aqeccab n tumert d annaz ismerghin !! mac is ka tghalt ! acku ur yi tzrit s tittawin n ull nek , d ur tukezt s unnelli nek irkan s tugt n timyurin amer is gigh aylal ikwlan s uzmumg n timzi d timelsit n usrf d ufra !ur ta ssengh ad sderfgh tifrawin inu af-ad ad ayyelgh ar igenna yan yagugen ! mac tifrawin inu rzant ger ighwrban n ughzu yad ,d tumert tzug acku ur tufi g ullinu amer iberrayn d izengigen !awd azmumg iga awwaragh win ikerkas ! ur tferkt is hdigh g ugensinu aghwzen s ibbacxaln d izurgan, yurut wattan sunt imettawn !!
Mac ur ta ju issen aysiwd afgan ,acku ilul zegh ttillayns d txendallast !
ur yi seghna wakuc af-ad ad simghuregh assagh nek ger itran s tigwriwin nnazwanin ur at en t igher amer udlis ligh tyarant !
ur ddergh ar neddergh af-ad ad ak ssugh tayri gegh tagwdift nk,ass na zzefgh tsenfelt iyyi s tayyad.
Ur lligh af-ad ad zzugh tumert g allenk , tsallat titawin nu adan x wadan!
Ur dusgh ghkelli tghalt,d ur rzigh ghkeli tamet!
D ur igi mad akw taran idudan awal n ufenzay !d ad ur tagelt udmenk g igenna n id inu, acku ur ju d ur sar tegt ayur nes !!
juin 16th, 2010 g 12:11
Azul/Salam
Ayyuz nk bahra agmatangh Lounis , Akiwaf9 rbbi tbarkllah 3lik .
juillet 11th, 2010 g 07:59
azul ??gmatnr hassan ayozenk mayad isosmar bahra khososan anaka tgit yan bnadm ligan rayor f tmazirt .tanmirt igmatnr hassan.
août 3rd, 2010 g 23:52
TANEMERT NK BAHRA IGHODAN GMA HASSAN .YAT TSGA BAHR IZDAYN GH OMZROY NOFGAN ART ITTASSI ODLISS.ADLISSAD LI SAKH IKHASSA ADASS NAKKA TOGT N LO9T NH ORD GHIR BACH AT NGHR AYNNI HTTA BACH AFLLASS NARA TIKLIT YADN ZOD KIYI AGMA HASSAN ORAK DFAR LO9T YAT ORIYI GIK YOUDA AK KA SNIMERH SAFI AYNII TANMERT BAHRA M9ORN LI YAH DFART TGAT ANGHR ADLISS AD (ORTA TGHRIH)DWIYAD NMELT IWILI TOURZRANIN ACHKO MNCHK NYAN ORTA ISN IS ILLA …TANMERT NK BAHRA IGHOUDANTEKLIT YADN .