fév 01

Awal n ifssi

Ibouanane Youssef Asafu
: Ibouanane Youssef Asafu
Anaw: Tamdyazt
Mnnaw(t) ad yuran tannayt : 6

Izd a winu ad nurri s w-awal n ifssi
Ig ifssi y-awal
Nara ay lli g is  illan
D mad agh usin ussan
Ad nmun d ifssi nfiss
Ifsi gingh ig awal
isduy gingh taghwyyit
Turrid taghlaghalt
Tssens takat n tillas ngh
Nssen  ukan mani as a ttawint
Tiguriwin ns igh a tnt gwmmigh
Ng amdyaz ar g is nzzenza tiguriwin
I wili imyarn ifssi ad ig awal
Nsmun aqqarid s uraw
Ar ntsuku s  tiwargiwin ighrman
Ar ntlli mad g isn igan amzdagh
Ur d ulawn n imuran
Ur d iman irufan
Ur d tayri iwujdan
dari nkki d umdyaz n w-awal
d ifssi ad dar llan
ar naTTu s mad awn ijlan
ng gh ifassn nnun mad akw tram
tlsam s tguriwin inu mad ur tkkism
mad ur itksen asmmiD nnun
taDsa nu nttat amTTa darun
laz inu nkki tafaska I mad kwn yurun
aTTan inu nkki ahwac nnun
awal n ifssi ad dari tsgham.
Ur nigh ur tsllam  ,
ur tufim mad agh ijlan.
Nmun d ifssi d w-awal
Nsker gh ifssi awal.

Ibuanane asafu
20/01/2010

6 Tannayin xf “Awal n ifssi”

  1. admin Inna /Tenna:
    février 1st, 2010 g 12:08

    Dda Yusef,
    Tzil tmdyazt nek, tzluzzit tiguriwin xf usulil, zund aqayen, flent-d amarg. Ayyuz nek.
    u mak Agwilal.

  2. oussous Inna /Tenna:
    février 1st, 2010 g 15:46

    azul mass yusf, s kigan n tumrt d ufrujju n tasa as ghrigh tamdyazt ad nk lli iyi nn ismdudin gh wasa n ul, acku tktar s uswingm iZiln d tguriwin irban azaZu n wammakn. ayyuz nk.

  3. aziza Nafia Inna /Tenna:
    février 2nd, 2010 g 11:27

    Azul mass,
    tZil tmdyazt ad nk, ar k bahra ssimghurgh.
    tskrt gh ifssi nk awal!!
    macc awal ad iga amazigh! gn tt tiguriwin nk timlsit!
    tg tmdyazt ad aman ar sisn tkks t irafan!
    gn izlan ns timimin lluZnin s umarg!
    Ayyuz nk a mass.

  4. garhou mohamed /igherm Inna /Tenna:
    février 3rd, 2010 g 01:32

    ayyuz a ssi yuss
    ar k nttalgh f tmdyazt ad nk lli d yiwin kra n iswingimn f wawal n ifssi mic awal nk ur ig win ifssi iga awal mqquren lli yax iksn asmid ,issimghur ax issimghurk ula kyyin,asafar nk iga ula winx ,awal nk mqquren ad dark nsgha,awal nk snllayas nakwz t ,ifssi ur rat nqbl ad ig awal.
    tanmirt nk a yusf , fk adar nk i wgharas n tmdyazt .

  5. khadia tudert Inna /Tenna:
    février 9th, 2010 g 11:14

    ayyuz nk a gma

  6. SoukaiiNa!! Inna /Tenna:
    mars 1st, 2010 g 12:40

    iifolki wakha urfhemgh bezzaf tachelhit nna urtgui zund khtalli sa sawalgh nkkin tachlhit nna tkhtalef… !!!
    ialLah BeSLaMa !!^^

Flagh Tannayt

Tasna 1 Seg 11