Sawl a y-ixf inu ini matrit rix a yyidk nmun.
Sawl a y-ixf inu han ur akw tksudem yat.
Sawl a y- ixf inu d ils inat mad tufam .
Awal nek iga imrzzig ig alili n w-asif.
Iga zund afrziz ur sul tt- n iri yan.
izd ixf inu nit ayad nigh d kra n wayyad
ghix acbar ghid nfk aqqryan i w-awal
awal inu as rix ad t nissan ar as nsflid
awal inu ur t akw yukz yan gh wasif w-awal
awal inu izdg iffugh tt n y-iriz mmimn
ikkis taghufi gh w-ul inw ikkis agh  irafan
nttan as rix ad as nsflid ar t ukan  nsawal
ur gis afran ula mad iqqay ufus
ngwrakwen ayzran ngr ahctug ur sul gis nfl yat
nskr gh izid tinghdin nskr ula tibrayin
usix busyur nasikwnt a tisgwit
ar  ukan ssififx ar zggwix iwaliwen
awalayni han ilamen zrin is
igh ukan tmmim i yan ig as smmus idudan
war uxsan zdas tt n d ad akk ur frent tt
iskrit azkkif isuten ur ax hmmin
bu tuxsin zdinin ka dax ihmman
ix ar igzza azru gh izid inw
tghwin as wazghaghen  nttan ka dax ihmman