Ur yyi tgi ur as  gigh adjar
jjun slligh i w-awal is mqqar
ad isaywul i infrutn d ma ttba
jjun sadmrgh I tghuri an idran
ar I ttay tasutin d tiyyad hbanin
ad awn inigh
jjun titt inu tiwid udm is
ula kkisghd ajjig fkghast s tirksa
tga didi tawada n wadhan ur tdhfr tafilla
inigh as
nek d ahiyyad u turrutin
mit d ibjgitn ad ukigh ur ghufigh
righ ad hsugh tifiras n udm im
sakgh asn imikk ad n tifawt
sul iddern gh iman iw
mmslayn iman inu d winm
tasi km trgagayt
iburc ul iw, ifis ur at sul ssiwidn
ilwighn idurar
tzddig tgldit
berrhgh ilmma
s tfasa d ssufdgh:
surf yi igh am ur bdrgh iwaliwn
waragmmay
gh uzmz ad yuffn am tadhut
iqqand yan iziln ad knun
addn I titt mnid n uxccan
addn I ixf ar akal
ar saqsan:
Mamnk ar ad iskr
ad gin ismg I uxccan
Tghawl trar yid: Tsatsat yi
a uxli ighaln tayri tmmim
tssurrit yi mzzi yan ur sul
ktigh
izba yi gr taffa d umadagh
ikrf yi
s tayri d iziwjiwn ukan
nnigh tiwwurga cwant
yani agmar n umaray angmar
altu iqqd wul iw ijdr kra as issutln
lkmn ifuffutn is adabu f ssudigh
ahh!
mamnk ur hmilgh idabutn rcanin
ar shssugh s tiyti n ul inu zmmimght
allgh afggag ad zdagh ibillu i tasa nu
lmdagh ad ttyyalgh I tarwla i ixf inu
urta nzigh gh usammr yi yaqtan
neck tamaccut n tagant ur glfagh
iman inu agh lmdgh axmaj
zzghurgh tibbaskari inu s izri nk
ur annigh mnckk agh kin sis utghi
igllin ira ad yi ssudn gh tuggugt
tawada wadan ur tdfar tfilla
kun idh
ar yi tsallat
awad ittmran gr walln
sskcm yi  tmizzelt righ
ad nghubugh ilih yi
gh uncud nk ad ttugh
dari darun d
unkkid n ufugh

Tunfit 02/11/2008