Id a ur zrigh ids tudn immi,gawrgh tama nns ar as smgrawgh,sslghaygh as azkkif d kra n waman n imghayn s usafar,ghamakh ghikann ar taylgi nkrgh s igim ar ttggagh igwdar i wghyul righ anu nn yaggugn,dfrgh acrmlal nkk agharas.

…man za agharas ?!.

…tighzi ad gis illan !.

G tmazirt nngh igh dark ur illi ughyul takat nnun tngd gh zzld,ur tlli twwuri yunfn i tidi n umudr a, ur gis ffaln azrf nns gh tmzin,alim,aman…tawwuri nna gh yiws yamz taghamt nns tlkmt in ar idis,ar tanurzmt tlla dars,ghurs isiwad nns ma g ittawd !.

yan imikk ibidd walli ur sul ira tawada…« irra…irra » inigh as sul d ughda,ur iri umzzur ad nn yasi adar inti ar ishurruy a lligh gis ttffughn g darat,ssfn gis imzzagh izra nn sin middn lsanin tarazalin ttkkan abrid n usun,ar zuzzurn kra n tafriwin,isnru g ussnbg nns ifck idarrn da ittbzdad ar ittmma imi…ayhay ! is tn inn yadda yukz winn ar nn ttkkan usun yat twal g mnnaw isggwasn,willi as isudn gh umzzugh aya nn skhrrmn t f twwuri,isfld asn tiklit lli nnan rad fkn aman..slkmn agharas..sghudun tudrt n usun ,acrmlal ikti aya nn yummr.

Ggh as sin ifassn ar t dhhigh,yiri ad giti ihnnch,lkmn agh d willi alsn dagh i taqqurt talli talli,

Nnigh asn nkkni ur nsghawsa s yat ad agh ka ur tskhrramem wid yad salanin tawwuri,aghyul ur t issusm aya nn s nnigh ar isillif s ucwwal nns yass siti tiqqar nns ar yi immal uxsan nns wrraghnin a lligh yi isffssa,ng nn nikki dids imzzagh ar dagh nssflid i id bu ikwlan a llig nhsa naghul ng gh imghnas ar nttkka tiswak n usun :

« …wid fulkin…winn xcnn… »,

Dfrgh acrmlal ar nttalgh winn,nttu ixfawn nnagh ur nssn mad nga nkkwni is wid fulkinin nigh wid xcnnin ?!,nsala ghikann ur ugmgh ur tmdara immi.