wa  lbrrad  n  sus…
mnck n ufus  ak  ibrrmn, mnck n uhlig  n  yan
ad iran  ad g ikk  issa  atay  ur-k  akkw  i3mmir
wa  lbrrad  n  sus…
ifkak  ufus  i wayyad  rad kkwn  hwwln
igh k  isrs  yan  yasikwn  yan  arkwn  zmman
wa  lbrrad  n  sus…
ha  lbaca  had  lqqayd  had  l3aml
yan  g ikk  issan  ar-d  rmin  iflk  ibalak
wa  lbrrad  n  sus…
ttabla  irza  y-as  udar, yan  ka  ad-d  ighaman
iffi  watay  gh  usarag  rwin  igrtal
wa  lbrrad  n  sus…
lkisan  nnazwan  gh  tatthablat  rzan  akkw
ur  sul  illi  mad  ighwin  aman  rghanin
wa  lbrrad n   sus…
takat  tkkad  izddar  tayyadh  gh  waman
isu k lqqayd inna y asn atay ad immim
wa lbrrad n sus…
mnck n umghar ad g itun iswan igr s ik
rzin lkisan iflk id iwayyadh ukan
wa lbrrad n sus…
mnck n wrgaz ad iccan aghrum abazin
isu fllas aman izuzwan igllin
wa lbrrad n sus…
ndhalb i rbbi s takat attkwmd  wanna gitun
iswan  ur  issin   lkhir  tagat  ka ad  iwin
wa  lbrrad  n  sus…
manza  liqqamt  nk  ula  manza  cciba  nnun
manza  sswkkar  nk  ula  manza  tuga  nnun
wa  lbrrad  n   sus…
sllagh i  lkas  isawld  yan  inna-d  i  yan
lligh  d   iqqan   aggingh   issa  lmkhzn   nrza  nit.