Igh urta nddr taskla ngh, illa fllangh ad tt nssn, mac dat n mk ann iqqan ad nfrk s usugr(importance) n tskla mad takka tskla i ughrf(peuple) ngh afgan, nssn ak is d taskla tga tayafut n tutlayt, ur nufi ad nsawl xf tskla igh ur tlli tutlaytu, taskla iga tt udm ann n tutlayt lli illan g yan

Isker usadaf Amazigh n izerfan Agraw nes Ameskar Amatu ass n 27 Ibril 2009 g tmdint n Anfa;
lli gh sawlen imeghnasen nna d iddan s ugraw ad nger atsen xf uzrf amatu mcackin-d fellas, stin ger asen Amaris nna g illa :

Mass. Abdellah Hitous Amara y-Amatu
Mass. ElAdaoui Lhanafi Amezza n umara y-Amatu
Mass. Hmad Assid Akaram n usmal …

Tilmi n wadû iga tawckint izwarn n mass Brahim Akil ittwayssann gh wammasn n umussu amazigh s ism n Gaya, issufgh tt id asggwas n 2002, tg sg idlisn imzwura ittyaran s uskkil alatin gh tsga ad n sus, tuma 20 n tmdyazt s tgharast tamaynut, ilint gis 64 n tasna.
tazwart n udlis ad iskr tt mass M.Oussous.
Mass Akil iga ilmma sg tufrant ann tamzwarut lli yusin anzgum n tirra

Issufgh-d mass M. Arjdal tawckint ns izwarn n tmdyazin s ism n « aylal n iman », tffgh d gh tgmmi tumlilt g 120 n tasna s uskkil alatin d tfinagh gh wayyur n ibril 2009.
idêrisn igra mass arjdal g tazra n warra ad rad gisn yaqqra imghri kra n udmawn n tussna ngh d tghrma ngh, igwmi gisn iskkiln n unzgum lli izzâdên ul n walli tn yuran

ultma tngh xadija tga gh wanaw n tutmin ibggsn ad kkrznt igr ngh inusan s uskrz n tirra, tzwar yad is-d tugm zg tskla n wiyyaä umiyn, trar tn s tmazight, tssfagh tn-d s ism n « illis n waman », tawi-d sisn tasmghurt n usinag agldan n tussna tamazight g usggwas n 2007, hatt id dagh tudâ s tussna d taysi ns lli tt yurun, tgru-d gis kra n tzêllayin ismrghan

Ass n Acur 19 Abril 2009, isfugla « ugraw adlsan amazigh g Italya  » (ass. culturale berbera) tafsut n imazighen gh « tgmmi n tusniwin n umadal »(casa delle culture) g Milano .
Yuckad umussu ad f ad issimghur imghnasen lli sfaskanin fkin talalit i tfsut n imazighen g dzayer, ig ula tizi gh tufkkan kigan d isisfiwn y imzddaghen n Milano f tussna n yan gh imadan imzwura n

Ayt 3bayd yan sg i3rrimn lli ismrghan gh ignna n tmdyazt gh tsga n sus, ifka kigan i tazzla tamazight gh tmsmunin slawan akkw tamaynut lli mi iga amzwar n yan g wayyawn ns (win tikiwin) mnnaw isggwasn.
Ayt 3bayd issufgh d tadla ns izwarn n tmdyazin gh usggwas n 2004, ig as s ism « Angi », tg nit angi n isyafatn ns d tufrayin ns lli ikla

Iga mass Hmad adghirni sg imzwura nna yiwsn g usughl n tskla tamâdlant s tmazight, g usggwas n 1995 issufgh d yad tawuri ns izwarn g usays ad, idî-d adlis n romeo d julyitt n William Shakespeare s tmazight, adrîs n umzgun amâdlan itwayssann irur t mass adghirni s yat twuri izîln ilan atig axatar, s uskkil alatin g mad ittggan 102 n tasna.