Aghanib gh ufus yaddum s tirra y arallan
Asqqil mrxen s idamn gh usaru w-awal
Nura srsn yuda d uhuy urra sar nfiss
Yuda gh iZiD n TtnZ d ighbula n ikerkas
Yuda gh iclifn n TaDutt ur iqqway ufus
NeRmi aGGu d ufdaddur lahi yi takat
NeRmi asmammi aDan x ur illi w-ayur
Iming yutd s w-aDu n tillas nteln ax…

Tgwmrt iyyi ka sul kmmin a taguri
ghalgh yadda ma d ndra idda ad ingiri!
lligh d yasus wamud nnm gh ukwba inu ifruri…
art ttkwfasgh gh igr n tirra… imghi nns i tghri
izbu nn waylal bu uzawan azal yan imikk iffarri!…
ssmdigh as ass ar ass timdayin… qqlgh add yurri!…
gagh am kmmi d is… nkkin amkraz amwwuri!…
tgt iyyi tudrt… tilit iyyi!… tilit dari…

Deln igenwan s imedla n tguḍi
Tels tafukt timelsit n tkerẓi
Nteln-t tifawin gh tillas n tserfin
Ttuykrafen izenẓaren, lan tigusin
Ar suddumn imeqa n umeṭṭa, gan imedwan
Ar gis-en ssan iẓuran n w-addag irufan
Ar salsan-t titbirin tigellinin
Ḍufen-t ukan tiferḍt n tgaywarin…

Asqqul n tmghuri
igat unelli
Zrat smaqqlat insi
mqar as tmZZi tixsi
iga bab n unelli
iga sar bu tilelli
ur izmr yan ad t ighwi
ddmin ntta ka f d yiwi……

Tffgh d ussan ad gh ugadir yat twckint tamaynut n tmdyazin n mass Mohamed Mahou, izazwl as s ism n “iftasn n ul”, tawckint lli istin abrid amaynu gh tmdyazt, tkcm gh ungi ad ngh tayyught tatrart  n tirra n tmdyazt, mqqar tZli s tmitar ns d tfras ns lli rad yakwz wanna tt ighran.

Tawckint ad gis 60 n udm, d 18 n tmdyazt, ttyarant…

Usix tazrt ar nzuzzur kigan d awal
Illa iRiz n w-awal netta yulwa zund alim
Yili w-awal ilan atig isti zund aman
Tirct n tannayin a nn ufix gh idlisen zdinin
Isawl udlis n umzruy inna yi gwmi y-ax
Tifert tamzwarut illa g is ma s ax-d ufan
Ifden n isggwasen ad nsul n ger targanin…

Tgit-en aḍar, gegh-en aḍar
Righ ad dim drugh abrid n tudert
Izemuẓẓal nem ar tighzifen, ar tiḍnin d ar tdusen
Winew ar tigzulen, ar tisdiden d ar tamumen
Tssunfet iy zegh tmssektit nem, tettut iy
Tssukeft iy zegh tkuyasst nem, tessak°it iy
Tmunt d wiyaḍ, tget asen timelsa d imessa
Tssisfiwt asen aḍan, tessanfet asen iḍersan…

Amdyaz d unfran mass Mohamed Arjdal, lli d yad issufghn gh usggwas n 2009 arra ns amzwaru n tmdyazt s uzwl n “aylal n iman”, yurri d dagh s usays n usufgh n idlisn, lligh d iDi tawckint ns tis snat da mi isti s uzwl tikklt ad ism n “ifugga n tujjutin”.
“ifugga n tujjutin” iga tadla mZZiyn n 19 n tmdyazt, ittyaran s uskkil n tfinagh…