Zrigh tt lligh tkka afus
Nikkin,d tawja nga as afus
Ku yan yall s rbbi tidiklt nnk a y-afus
Angaz yumz adar ula afus
ktigh a immi is km sayagh afus
tufawt tkka-d ignwan tsmd i tmgna n ufus
taghuyyit n tlalit tzuzzr tummrt gh izuran n ufus
nttuk a y-angaz,nrwi taggwlla s ufus…

Gw matnegh Larbi Douch Amasus, akarikatur g Umaynu d unazur izilen netta d tmttutt nes ufan-d ixfawen nsen g tkrrayt, ussan ad ur-d is ukren, nghan negh ccan ayda n kra ! is helli ran ad stin isem i w-arraw nsen « Anir Douch » (Amasus Amzyan). zun-d igh ur igi may ann azref nsen …!
Nra ad naws i gw matnegh Amasus, nall as atig lli gh ibidd d uzref nes immagh fellas… wi lli ibidden gh ubrid n Ssi Amasus d tmttutt nes, ur rad awin amer ay lli iwin wi lli ibidden g ubrid n gw matnegh Ssi Abdellah Belhoussine, Brahim Oubella, Abdellah Elbahi, Mhamed Bouhouch d wiyyad…

Mmuttigh-d
ggwdgh…
tumZ iyi trgagayt !
ifri yas ul
ig taghuyyit…
trwl…tzgr nn adis
iffgh d ughlighl gr ughZdis
ifl nn gis istghan, ifiss…

A y-illi a y-iwi nu
sawlat iyyi gh w-awal
sddrfat abrid inu
asy-at iyyi gh w-assagh
gat gh ufus asara …

G umussu Adelsan Amazigh ass a, ar enn nttafi medden nna iddren d imazighen ma d kkan g tudert nsen…, righ ad inigh medden nna iddren gan imazighen gh kra igan tasga g tudert nsen…. da ttaran s tmazight, ar sawalen s tmazight, da ttiriren s Tmazight, ar ssefliden i y-iriren (chants) n tmazight, da tthucen s tmazight, macc idrus mad izdaren ad issagh i tarwa nes isem…