immi nu a y-immi nu
tastwat gh ils inu
immi nu a y-immi nu
tastwat gh wul inu
immi nu a y-immi nu
tastwat gh tasa nu
immi nu a y-immi nu
kmmin ad iyi yurun…

Iga yan u3zriy, ar ikssa i mddn ulli nnsn s tirmt, ar as ttinin: Hmmu n faDim .
Yan t yaddrn ar ittini: is iga bla Hmmu n faDim!
Ur t id iwint tmgharin f yat, igh llant gh tsukt, ar gis zrrunt tilikin nnsnt, kwsnt tiklmiw nnsnt, kwsnt f iqllula nnsnt, Hmmu isswa d ulli nns gh w-anu, lligh swant, gwnnt, iddu ad icc gh tgmmi nns…

Ikka tt nn wakal, ijja, ighws, ar ismghay tugt n wanaw n tuga gh llan isafarn, imamn waman nns, igr gis ufgan izran, ikws as afrig, ig as amazir n willi, iDrs as tighuniw, ifk as azrf nns, ikrz gis tumzin tiqburin lli d imghin s waman n unzar, nunt s iznzarn n tafukt, is nit jjant, yili gisnt usafar acku ur d nkrnt bla s waman n…

Ar dids tzi tmghart nns, ar as ttini: igh giwrgh gh ugdud n tmgharin, kun yat gisnt ar tsawal, ar ttini: inna wingh gh uxrbic!iskr wingh mkad, mkad !inna wingh: mkad, mkad gh uxrbic!imma kyyin ujjun iyi tnnit nnigh gh uxrbic!ujjun iyi tiwit inghmisn n uxrbic!ujjun asn tnnit ula nnan ak!is ka gig skrn wa d asn ittgan i takat !gn ifaddn s takat ar rqqan!dlhn i taqqurt !kyyin ur ar d ttawit bla alln bzgnin d tugt n imzan gh uqccab d uslham nk! is iyi tfart kra igat ass awigh aqccab nk s usggwrd, ar t gis tggwagh !ghik s t bbigh s uzduz…

Immi nu aymmi nu
tastwat gh ils inu
tllit gh w-ul inu
tusit iyi gh udis nm tza yirn
kmmin ad iyi yurun
kigh agzzum n tasa nm …

Sawl a y-ixf inu ini matrit rix a yyidk nmun.
Sawl a y-ixf inu han ur akw tksudem yat.
Sawl a y- ixf inu d ils inat mad tufam .
Awal nek iga imrzzig ig alili n w-asif.
Iga zund afrziz ur sul tt- n iri yan.
izd ixf inu nit ayad nigh d kra n wayyad
ghix acbar ghid nfk aqqryan i w-awal
awal inu as rix ad t nissan ar as nsflid …

lla3awen a tamazirt lligh-d nlul
iggi n w-akal nnunt ay ad gh llix
nslm f tagmat ula ayyawen ula izuran
lla3awnat a willi s kullu nga yan
llah amk ur hdrx nskrx ghmk da rix
nluh taghufi lhm adanx ur brin
tasa nw a tasa adam d adrx s sin ifassen
imma yan han ur yudd iwattan nunt…