Tamazight ar swngimn willi nn iwalan
Ad awnt bbin idarrn ad takwit akal
Skrn dax agraw f ad anx inin ar imal
Ar snfaln ussan ad ur tallmt aqqllal
Yan ifrkn rad as ibayyn mani ira wawal
Awal igh g is ttajil tikrkas ay ann
Television kra g is ur-tn inn annix
Zud nit igh tlla zud ur tlli yuf ukan…

Tinzi y ad n ddurad is ghlbnt tufullus
ntta ba3da ncca gisn ar illi gh rmigh
ncca gisn ur htajjah an nssa asafar
ik nna gan igdad is hnnan a y-akal
lligh tut tin zi bu tagant ad nsyafa atthan
mann akkw itamn tagant attssalla yan
yuru yizm aylligh irmi ur icci yan
a yuru ubnkal ig akkw wakal isuqqas…

Ayyuz nnm amm ignwan a tafukt
kmmi ula y-aznzar nnm ifawn
nghli f udrar n tizi ar afa nns
nluh izri nu f ad annigh tafukt
ammas n irgitn agh ad ukan sufunt
luhndd aklulu f tizi fkin s isaffn
yummr usghar lli g is luhn aqqayn …

Asnimmr nk a y-Usus lkmnd ayyuz fllak
taghlaghalt add iga f idrarn alligh-d lkmn
ifka t udrar i wayyad zund iggig d rrih
ibbi d isaffn ; ibbi d ill ur iddm aman
itri d isufan i y-ugharas sufund akal
manik rad iskr yan iran ann ighli s darun
mqqar ligh rric ur iqqadda zrigh titbirin…