Zrigh tt lligh tkka afus
Nikkin,d tawja nga as afus
Ku yan yall s rbbi tidiklt nnk a y-afus
Angaz yumz adar ula afus
ktigh a immi is km sayagh afus
tufawt tkka-d ignwan tsmd i tmgna n ufus
taghuyyit n tlalit tzuzzr tummrt gh izuran n ufus
nttuk a y-angaz,nrwi taggwlla s ufus…

Gh tfrt ad rad narm tiklit yadnin ad nawi yan usmmaql f udllis n “iludi” lli-d tssufgh tmarat Khadija Ikan,adllis a iga yat twckint n tmdyazin gh llan 50 n uzwl;asmmaql rad ihmakkc acku ur rad-d isssutl i kra ihban ngr tuskiwin d twinas ula tiguriwin tsmrs tmarat gh tzlatin nns, mqqar d ghika-d rad inigh aylli gis ufigh llight ghrigh…

Amara Garhou Mohmed ilul gh usun n tlilit illan gh tqqbilt n idawknsus iDfrn i tghiwant n ighrem, adghar a ittyawssan s tudrt tamazight yutn  s izuran gh umzruy, middn n tmazirt ad ar ass n tirra n umgrad a, ar ukan sul ttkusn lmdn sslmdn taskla tamazight s imzgan, saswa tamdyazt ula tullist mk ann d inzatn, gh igwrDan n takatin d ikhwrbicn d igadazn d inna…

Gh tfrt ad rad narm ad nluh s yan izri f  udlis n tgldit n tiggas n mass Mohamed Oussous lli igan yat tfust n tmdyazin ilan atig,  d ur rad inigh is nn uggigh bahra s tsga ann n jaj nnsnt; wakha irkha ad zglgh ammak g isnt yuts umdyaz nngh; rad-d gitsn awigh  f ay lli ufigh ngr izrirgn nnsnt.
Gumatngh Oussous gh izwiln ganin 21…

Talwut ur tlli saswa willi ttddanin ula willi ssudanin, g wammas n ugadaz agh ibidd isdu s lbrwit talli s ismun kra n idrimn drusnin akud nna yusi tighawsiwin n imsaghn, ismaqql ghid ula ghinn, ur ta illi mad as ighran s twwuri, izri nns ar iggra ittanay s wad yusin tassllit ula wann issaghn, xf uzlmad nns mmghint kra n tfilin mmalnin amaynu g kra iga tt…

Anir d amzzyan g uwtay nns tam isggwasn, sul ar ukan iqqra g tdala tamzwarut, acku ur igi imhrri g tghri nns, ur ihssu timsirin, ur itrara taynit s uslmad kigh ar isslmad inlmadn ; askka asulf n tffugla n tinml,ass a tiwi t immis s urabad tssird as gis irkan, tadggwat g tgmmi ifka as babas acckar amaynu g llan idlissn d imassn n tghri imaynutn,ismaglt xf…

Ikka tt inn dawkan tlkkm tizi lli,  ar itthbu gh wafud issan n immis tamqrant ; talli yas issmyarn umiyyn fulkinin f wakud ann yaggugn ittghzan g umzruy . tiguriwin ngaddanin ad d ittnsmadn gh imi mi ttkwlan wancucn s idrfan n isggwasn ,  imi da mi d ssusn yirn uxsan abla yan wangwlla ,  imi imdin tudrt n wussan iskr gitsn izlan ,  alln n immis tamqrant drant nn…