Aghanib gh ufus yaddum s tirra y arallan
Asqqil mrxen s idamn gh usaru w-awal
Nura srsn yuda d uhuy urra sar nfiss
Yuda gh iZiD n TtnZ d ighbula n ikerkas
Yuda gh iclifn n TaDutt ur iqqway ufus
NeRmi aGGu d ufdaddur lahi yi takat
NeRmi asmammi aDan x ur illi w-ayur
Iming yutd s w-aDu n tillas nteln ax…

Usix tazrt ar nzuzzur kigan d awal
Illa iRiz n w-awal netta yulwa zund alim
Yili w-awal ilan atig isti zund aman
Tirct n tannayin a nn ufix gh idlisen zdinin
Isawl udlis n umzruy inna yi gwmi y-ax
Tifert tamzwarut illa g is ma s ax-d ufan
Ifden n isggwasen ad nsul n ger targanin…

Nger tillas n w-aggu d w-aman n marur
ax hnncgh tarDumt s tiddi arkigh ar allax
yuti yi ibiqr mdudix akwix ar akal
knux awen a willi jju ur nix is llan
ijdr w-udm targagayt tuki yi s ufus
tasut ad ka kkix ngiwr ar nettini max
iskr gi uzemz tayyuga nes lli s isrwat
ig iyi d bugjdi dusn a n tmlilliy …

Zdin iskkiln gh tifrt ilin atig
gin timitar n tlalit a y amazigh …
lalla tZZit itran gh tillas n y-iD
n tifawin i tmagit tighzi ubrid
tZmit armmad ig urti gh illa w amud
tizzwa ssumment taDfi nnun a y ajddig
tamment tga tighzert tfinn i w uGGwug
jjin w-ulawn gh tawda lah aSmmiD …

Ad ur tallat a tasa rad nmmiggir ix agh-d iqqan
nmun dax i tudert ann nsutert i bab ignwan
tudert dax llix tgit igharasen akw nnzinin
afgan yuzzel mani ran ur-t issin ghaweln
imirn n usgwas ar ttsutuln ad ax d awin
tafsut n tudert n zzrittent n ger targanin
necc tamment immimn x tayri n tirbatin…

Tawtemt immi d ultma a tgit n zra kwunt
Tegt illi tegti tameddakwlt tegt amud n imal
Id butillas ar ttinin ixss  iferghn ay an
Nnix asen ix ifergh makwun yurun tilim dar nx
Aghyul  ikkerzn s tgwrsa yaz gis ad yinun
kwnni  takwim x uzerf n tuwtemt s tighzi d turrut
Tskerm g isnt ghemk ad iskar ilf x w-ayda nnun…

Tamatart n is mduda isutar n w-amur
Azerf isker s tghurdin isers acnyal
Wi lli n iwalan uzzeln irin a yyi lah
Gnun ax gh uqccab n twayya ssuteln ax
Gin ax assagh s tkndawt nili s ikerkas
Anir afrux ad mzziyn inna y-awen max ?
Assagh inu wafrZiZ x ils n ma nn iwalan…

Immi nu turut azzan turut tifrxin
Tarut afgan ad iziln yasi tasafut
Tusiti tbiqst i tudert attili y atig
tili tuja ngh s w-addur tilit a takat
Zzrix ussan gh tudert s usqsi man mek
A ttfssit ar ttaddumt ayllix lekemx
Tgiti x ufus idusn tawent i talat…