Tafrawt yat kad dari
Urd snat ad semghigh
Zuzdegh ad ffarrigh
Uyelgh dergh gh uknari
Ur rwasgh afullus
N ger tifullusin
Ur ssengh adermus
Ad gegh bu tallasin…

Saw is rann ghinn taft aman ?
Sawl d ill war tisnt war islman
Igudi ghw adu timqqa n umlal
Tirghi tafukt tqqd isk afal azal
Saw is rann ghinn taft afgan ?
Sawl d ucfud asnnan d ifrgan
Annli immuti s ul lluzzan ifalan…

Taddagt nw awal
Ur tgi tin iffus
ur tgi tin tagut
Ur tnt izzr ufus
Taqburt ifd n tasut
Ur tnt tsli tzwayt
Takrrayt n tkurayt
Ur tmmghi ghw akal…

Askerf idus mladd is ufigh afessay
Ur akkw idrus w akud ad nder gh tisiwagh
Iziker d uzzal tassat d ida n ugellay
Ur rad ten bdergh anaw inw ur ar akkw ittagh

I?us nit w-awal i?il yufi iyi tiram
Ticict ann ? ifern ur tent akkw meli? i yan
Tanatamt n tazzaya as tent ittafa yan
Ur d anneli n ug?i? ilsan afekka n u?am …

Tazzanin a tazzanin
Rebant tm?arin
Gint asent tiwckinin
Azul a timuzunin
Titritin tifalkayin
Tibaynutin Timazi?in
Tismunin timaynutin
Id mmu tfassin ?cemnin …

Duf s ti?? d w-ul addag
kakel s ifir s u?ruc a?a?
Zmer i la? a war a tar tiram
Zdem as?ar ? unebdu i ukerram
Zwi s tayri argan ay aggag
Ger tayafut s tayya?
Fser ? unrar aba?u att tut tafukt azal …

Sbuttel iyi ay immi gh ubruj n uxzuz
Udden iyi nn a baba nu gh umezzugh
Akwfay lli ssummegh afekka ad usin
Anneli d ufrak tasraft illuz icc w-akuz
Isli lli kkusegh ur ratt sar akkw neffugh