Malala Youssefzai: Tafruxt inran Taliban.

Lachgar Hmad Agwilal

Tlul Malala gh tsga n Swat gh Pakistan ass n 12 Yulyu 1997, lligh dars yan d mraw n useggwas, tsenti (tbda) ar ttblugiy i Radio n BBC  tutlayt n Urdu ar tsawal xf tudert ddaw n tsertit n Taliban gh w-asif n Swat s umata, d uzerf n tferxin gh uselmd feghnit tmmagh f ad afint tferxin timzyanin zund akkw inggwa nsent iferxan yan idis gh tinmel n Pakistan (tasga n Swat), tmmagh ula ad yili uzerf dar tmghart akkw ad tamz izerfan nes.

Tccukka Malala abrid nes lli s tssen is ur ifser s ijeddigen, ur tksud, ur tmdudi mnid n tillas nna y -as imdin, may ad af  tumz arraz (prix) Amadlan (international) n ufra izlin s w-azzan aseggwas ad izrin, tiwisi nes issen s is ku yan gh Pakistan lli gh tumz arraz Anamur n Pakistan izlin s w-azzan aseggwas n 2011.
Tga Malala yan umdya n tazzant nna ta dar ur llin awd 18 n useggwas lligh tzdar -mqar- ad tml i ku yan mas ula tazzanin ar ttittuyen mqar -ta- ur mquren .
Ass n 9th Ktober 2012, mdin as imula (iskwla) n tillas (Taliban) gh ubrid nes seg tinmel (ecole) uten tt nttat lli igan tafruxt lli hra dar llan kkuz d mraw n useggwas, nettat lli ur yusin aqryan ula sasbu, nettat ur ittafen amer tifassin nes ghusnin lli s ar ttara tidt gh ublug (Blog) n BBC s tutlayt nes Urdu utentt ghalen is nghan tifawt, uten tt ghalen igh tt nghan is rad nghin aswingem lli tusi, ghalen is d igh nghan Malala, rad immt uswingem, ilint tillas, macc ttun is d s mek ann ar sserghan tifawin yaden lli rad ten ijder gh ugharas.
Malala ass a tella gh Ssbitar gh Ingliz (United Kingdom) af ad tjji gh w-aggasen nes, Iducturen (Doctors) nnan mas rad tjji tadud dagh zund mek lli.
Tizalliwin (prieres) negh i Malala add tadu i tawja nes, timddukkal d imddukkal nes ad tccukku tighri nes acku tafruxt am Malala d tgadda nes, tinmel ad igan amras nsent ad ghrint, imghurent, gint timqranin (leaders) gh tmizar nsent mqar illa mad asent iran ad nghubunt gh umadal n tillas.

Igwdl umussu n Taliban tighri n tferxin ula timgharin akkw gh tsga n Swat gh Pakistan, iqen mad ittggan 150 n tinmel (ecole) izlin s tferxin aseggwas ad izrin… immagh ad iszuggz azerf (loi) n Ccariaa (Chariaa) gh tsga y-ad…

Fel agh tannayt

Your email address will not be published. Required fields are marked *