Home » Tallast » Anezwum isghewwacn (Arhazaf Mohammed)

Anezwum isghewwacn (Arhazaf Mohammed)

Illigh ikjem uselmad nnegh s tdala , ikk ger idarisn (Les rangs) mar ad issigg  iluga n usmutteg d idalisn . Meqqar issen is ar ittejmaD akud n ulamid macan ur ittuyaqqil ad ten issigg. Ibedd dat mm uoerDuD (Longue chevelure non tressée) :
– Ma  ani alug n usmutteg?
– Ur ti- d uwigh.
– I max ?
– Ttugh t.
Izmmem yan ucatiD (Tiret)  dat wassagh nnes:
– Id ad i tekkesd yat tbekkit a aselmad?
– Ddigh ad sbikkigh asnara (La conduite)  n kuyan d kuyukt.
– Asnara nu inem. Ur ar teggagh ay- nna ixxan.
– Maca yuccel (Il faut) ad tesmuttegd alamid (La leçon)  nnem.
– Hat ar tteHmalgh akud nnec.
– Iddegh da tsawald imci nna trid.
Iddu izri t, isella as ar ttini i tesmunt nnes:
– Mer ssingh tigmmi nnes ad kkegh ghur s , ad as ssirdgh iHruyn (Les habits) . Imseqsa d twengimt nnes s ususm: ”Mayd tra tegZiwt ddegh?”
Kud ar iseqsa inelmad , ar sghuyyun s ujurdu (Enthousiasme)  alley sTurrin as imjjan. Ca ar isawal d usmun nnes, cra g yan waZey ar iTTeSSa, kra ar itteZi. G itsent tikkal ur ittakwz tararit nsen. Yuccel ad isfest wi- yyaD mar ad yaf ad issefeld i trarit . Ur as d yusi ad iwwet, ad irbeD (Insulter) , yuccel ad izrek (Respecter)  awarik n unelmad acku ur igi xas aselmad iga imssegmi. Maca man imc?G uxiti am w- a ur ikkul ad izlu izenzifn nnes, ur ikkul ad iwwet, ad irbeD minzi myarn ajendx (La violence)  zi temZi nsen. Ma s ira ad ten isfest?Ad ten isseghDef ?Ur illi xas uwalif ayd inezzeghn tiwengimin nesen. Ur nnin ad festin xas mec ismuttey tilleft s ugadil (L’écran) n umssuds (L’ordinateur) . Igh ila wa- ddegh ma ani ma s iggar awalif ghif tiffelt. Awd imassen ddegh ur nnin ad sgern (Assurer)  ifesti d uDlas (Le calme)  nsen meqqar ar ittemuttuy uwalif iddegh ur kkuln ad sawln,  ur kkuln ad mmenzaghn ighanibn d ikarijn, ur kkuln ad myacarn imassen n tghuri. Illigh isghuy yan dig sen ighal uselmad  is la tararit ightan f useqsi nnes. Kud as isken ad isawl ismammey:
– Ucern i adalis inu.
Isuqrf uselmad nnegh:
– Ma atta wa- nna ac yucern ?
IZemma imTTawn:
– Ur t i ssingh.
S ujlan (Enervement)  inna as:
– I mayd teHDid?
– Kud aghulgh  s usggwar inu ur t ufigh.
InDew yan unelmad:
– Ccenfcu (Fouiller)  icakirn (Les cartables)  a aselmad.
Ur yad issin id ad issefr (Suivre)  i ulamid mid ad isker amulley (Le rôle) n ubeghlas (Proposé pour le policier) . Ur yufi xas ad iccenfcu icakirn n wi- dda as inmalan. Kuyuk ar as issenoad acakir nnes. Yiws as usmammay day isghuy:
– Hati ufigh t g ucakir n wa- ddegh.
Ioayn uselmad adacal (Proposé pour le bureau) , issufgh yan ukarim (Le dossier) , yan unadil (Imprimé) . Ur iZri amya alley ixleD ghif s imicr . Ittey Zar s:
– Mayd ac innan addud s di?
– Hat ur id nec . Kra ayd t igern gh ucakir inu.
Izmmem uselmad assagh n imicr g unadil mar ad t yazn s umeHDi amatan . Ar t  itteHawal wa- ddagh alley ur iri aha isdiddi t s iDuDan nnes. iHurf Zar s uselmad aha iDemmes as s sin ibariqn alley nDun imTTawn nnes  day yini as:
– Igh tulsd i usnara nnec ac azngh s unfaliz (Le conseil) aseghyad (Disciplinaire) .
Ur yad t yuzin  s umHDi, ad ur imiq ad ig ubariq yan uwttu dat as d  dat wi- yyaD. Ar ittesenyif (Préférer)  ad ten iwwet wala ten ihleD (Renvoyer) minzi igh izla alamid asunan ur ikkul ad t isegh mar ad yaf ad izubdu (Continuer)  g tigzi. Yuf ad ifru asariD s ubariq wala t ifra  s ucaca (Le fait de renvoyer) . Ur ar itteHmal ajendx (La violence)  maca ar ittuglay ad sis ifru tinbaDin. Ass nna gis ur iwwit awdyan ar tteswunfu tsendubent nnes, id ass nna gis iwwet ar gis ittennughjef (S’inquiéter)  amm is iwwet ca g waraw nnes. Ur asn iffir is ur da ittiri ad ijendx , ur asn iffir is ar t i ttegraZ adday issufgh afus nnes g wallad n ils nnes. Ur djin ittu is llan digsen wi- lli itettern ajendx. Ar as sumurn ad as- d awin akuray n wuzzal ur id xas wi- n ukacîd  alley asn inna yan wass:
– Is tram ad smuttigh agharas inu s ughzzu (La prison) ?
Islla i mennaw n tmija:
– Uhuy.
– I max ad ur tisinm iwtta nnun asl n ujendx?
InDew yan digsn:
– Xas umudar ayd ittusegradn (Apprivoisé)  s ucwaD (Le fait de fouetter) .
– Ar mantur cen nekkat?. Hat ar ttexitirm, ur ar ttughulm s Dart. Kud cen ssimghurgh tezzemZim ighfaw nnun.
Arhazaf Mohammed gh wass n 09/03/2012 imsasan d 26/02/2062.

Fel Tannayt

Email-inek ur d-itffeɣ ara. Urtiyen yuwren ttwaseknen s *

*
*