Home » Tallast » Anezwum isghewwacn (Arhazaf Mohammed)

Anezwum isghewwacn (Arhazaf Mohammed)

Dat issemni ar ittemnu uselmad nnegh tifiras nnes d ibenZarn nnes. IzufaZ nnes gan iferfaZn  (Grisonnats). Issegbs (mesurer) asatam  (La distance) as isuln  mar ad iffegh tawinst n umxerfef (La lutte). Idda s tdala,  meqqar ur zmirn izenzifn nnes ad nsekmern ighuyyan n inelmadn. AmZZugh nnes iZZay,  ur yad da isseflid i tmija tamazdart n itsen. Ar itetter ad as alsn mayd nnan, drugh ur ar ittezmak tawana  n itsen. G itsent tikkal ar ittelley s ighf nnes meqqar ur isella i trarit (La réponse). Ajurdu (L’enthousiasme)  n inelmad ikcemn afarik (L’étape)  n usselmd asinan asmattag ar t isnunney g itsent tiklitin. Ma mi ittesniriz  (Se plaindre) ?  Aselmad ilekmn semmumra  (50) d semmus n iseggwasn ur inni ad ig xas taHHuyt (La poupée) ammas n tazzanin. Ur as ikmid ad imnala d uguzdey n ihuntern (Les adolescents). U-nna ten iHDan ur inni ad ig xas icirri am nitni. Ictey tanawt n yan ubaHllu nnes ikka iga aserdas kud inna i yan isawln ghif usnara (Le comportement) n itsen iselmadn n ugherbaz amenzu : « Hat iddegh da tteHDun iHenjirn ay-nnagh as gan am nitni ». Ur ikkul ad ig aHermuc dat medden iddegh ar itteHDu icirran. Ur inni ad ixitr ard iffegh tawuri ddegh. Xas ad ikcem aghasar (L’établissement) ar izzemZay ighf nnes. Maca dat iguzdiyn n usawir wis-craD ar ittesrara awanil  (La valeur) iddegh tiddi n itsen tghezzif. Ictutey asggwas lligh izrin. Asggwas nna gis ilkem yan usawir n ujendx (La violence) issekTiTifn (Faire trembler)  izenzifn nnes. Ar ittedza tidiwa n itsen inelmad d tinelmadin s iHuddizn (Les coups de poing)  ar k igh ittenDaf asag yussa cra iDuDan nnes. Tafssi n inelmad ur t i tudji ad isker tawuri nnes. Xas ad ikcem uguzdey, ca ar isghuyyu ghif wa-yyaD ad as irDel adalis, ca ar ittemenzagh d usmun n tghuri ghif uzaqim, cra ar ittemmeHezway d ca f udghar, f tirra n uzamiz (La datte)  aflla n tiffelt. Ar itteddu ca am uweTTuf nnig izenzifn nnes. Isghuy :
-Festat, festimt, ma atta umetruy (Le cahos)  ddegh?  .
Amm is ar isghuyyu g wallagh n wanu. Mayd ireZZan amZZugh nnes Zar s xas itsen inelmad d tnelmadin. Yusey talugt nnes d ughanib azeggwagh,  ikk ger idarisn  (Les rangs) ar ittezemmam wi-nna ur d uwin adacil (Le livre)  nsen. Meqqar ittufka asn s ubennen (Gratuitement) ur ar t i ttasin xas s ighnan. Ca ar itetter i ca adalis nnes xas ad t isers dat as ard izrey uselmad aha irar ast,  ca ar ittegga ighf nnes zund is ur issin mayd itetter uselmad, ca ar issedkal (Lever)  adacil nnes mar ad t issenoed i uselmad zund is ira ad issentm (Affirmer)  is t ila. Ibedd uselmad nnegh dat yat torrimt ireZmn i wazzar nnes f tadawt nnes, tsers ayrri nnes ghif ighaliwn nnes aha tesniomr (Faire semblant ) is tuDn. Isawl as, iseqsa t :
-Ma cem yaghn?
-UDngh.
-Ini ukan is trid ad tejjenjmd ighf nnem. Ad yili udacil asekka negh ad am kkesgh yat tbekkit.
Telley s ighf nnes :
-Waxxa.
Telsa akerbay n “Djin”d tqeydurt (La chemise)  iselghn ghif ucbu nnes. Azzar nnes uslin (Lisse)  iddel igenzi nnes. Askarn n tfednin nnes ghman. Zeg ulextu ar wa-yyaD ar Zars itettey. Allen nnes ar tteHenZaZent gis. Yan wass,  tesnirz :
-Aselmad iZir wa-ddegh mayd ira.
-Mayd am isker?
-Ar i issibliw (Clignoter).
Ioayen t uselmad nnegh :
-Mayd tgid i toerrimt ddegh?
-Uras gigh amya xas ar tesHillil ghif i.
-Yan wawal ad c t inighurnnigh ad as alsgh. Di yuccel ad tzerkd (Respecter) tasmunt n tghuri acku teddid ad tgherd. Id berra sker ay-nna trid.
Illey (Agiter)  s ugayyu nnes :
-Waxxa.
Kkan itsen wussan teghra as digh :
-Aselmad, iZir t hat ar Zar i iseksiw.
-Ma atta wa-dda?
Teskn t s uDaD nnes :
-Wa-n.
Tesnirz zeg uorrim usdid,  anammas,  wa-nna ikkan ar as isibliw. Ur as inni amya. Isawl i toerrimt :
-Id ad as kkesgh allen? Adj t ad iseksiw imci nna ira. Ur iZubZ ad neqqen allen i medden. Id ad ddugh s terbat ddegh iseksiwn Zar i dghi ad as inigh:” qqen allen nnem”
Igza mayd tra ad as tini maca ur iri ad ikcem tanbaT ddegh. Ur ikkul ad t ibDeD  (Aimer) uorrim ddegh. Ikka awd netta yurm aha imDey taTfi d urzag n ubDaD kud isul iga ahuntr. Taorrimt ar tnezzegh allen s ufulkey nnes, ur tekkul ad tezzikrir awd ulawn. Xas ad ur as yini g tdala ca nna ur teHmil id tufert (Le secret)  n wul,  ur inni ad t yuZr (. Ictey yan uHudriy g usggwas lligh izrin. Ikka yuzn i yat terbat akarij  (Le dessin) nnes igan ul mi illa g wammas nnes yan usermiT (La flèche)  aha tesfurreg day tesnirz t. Illigh t ilkem isella i inigan issentamn is netta ayd ikerjn day iDemmes as aha isdiddi t :
-Ass nnag tulesd asakir nnec ac i kerfesgh uggar n ukerfs.
Yudr umcum (Le pauvre)  i uqerru nnes, izeghdn (Devenir rouge)  as wudm. TegraZ t i uselmad ghif titi nnes. Maca imyanna d twengimt nnes “Tuf as titi n ufus aters n wawal  n terbat mec as tenna awal issengasn  (Choquer) ”. Ikka yurm tibDi n tneHmilt nnes alley yucey (Au sens de sentir)  s tibDi n ujanig  d urakw nnes. Ur illi dat ugwilal (L’amoureux) xas ad imnala d inajign (Les obstacles). Agharas s tjeddigt ikkar aliD s usnnan. Ar ittemDay unebDaD taTfi d tamimt n tiqqest far ikkef tajddigt aha issumm alekmas nnes. U-nna iran tamment ad isgherres i taxamt (La morçure)  n tzizwa. Ar ittejgugul uselmad ger iDuDan ittaylaln, ger iHerjaD isghuyyun. G itsent tikkal ar ittermas tawana, gh tiyyaD ur ar ittakz awal n umedri iddegh da sawaln itsen ger atsn. Ammas n uguzdey ur izrin kuZmra (40)  da ittighil is inmala ad yagh akalis (Le registre)  n umttin (Le mort) ,  ar t i ttawint timlellay. Ar ittedmu amasiy (Le corps) nnes innebdr asl (sans)  n icey (La sensation) wala amussu. SDis n iguzdiyn (Groupes) , kraD n usawir akerDan d craD n umezwaru. Ur ar ittafa imiq n uswunfu xas dat imeggura ddegh meqqar da ttili taZit s usarig (A cause)  n ism (La jalousie). Illigh ar ittekka ger idarisn,  tezmummey as tegZiwt (Belle fille à l’âge de mariage)  :
-Ha adalis uwigh t i d.
-Mezyan.
-Righ ad ghergh. Akud nna da zzeruygh di ifulkey.
-Iddegh da tsawald imci nna trid, da tteghimad di-nna trid.
-Mer ufigh ad ghur c ghergh g imal.
-Max is ur ar tessaramd amurs (La réussite)  i ighf nnem.
-Righ ad mursgh.
-Yuccel ad teghDefd (Faire attention)  i ulamid (La leçon)  nnem far ad telkemd yat twuri tamajjeyalt am tsefrast (Le médecin) ,  tamenzagt (L’ingénieur).
-Righ ad gegh tanersamt  (La coiffeuse).
-Awd arsam iga tawuri.
Iman d udaris (Le rang) , ar issiggi iluga n usmutteg. Issen is llan wi-dda tettern alug i ca n unarig (Le voisin)  asl n wad zedmrn (Faire effort)  xas ad arun. Issen is llan wi-nna ttarun ay-lli ur ukizn. Issen is ar ittejmaD (Perdre) awd netta akud iddegh ur inni ad yaf ad inZu (Etre certain) zeg usnikkl n unelmad f tuggas  d uzamir nnes far ad irar f iseqsitn soi n tigzi soit n uslaD (L’analyse)  maca mayd ira ad isker?  Hat ur ili tiggurg n wad isker ay-nna ira. Asenfac (L’inspecteur) ar itetter ad aggin iselmad  f usmuttg n inelmad mar ad afin ad snikkeln ghif izedmirn nsen gh ulmad. Ar itetter ad imyaway uselmd d ulmudmn maca tuggas n mennaw n inelmad ur ar zerrint tirra,  negh asmuttey n trarit zeg ulug ar wa-yyaD.

Arhazaf Mohammed gh w-ass n 25/02/2012 imsasan d 12/02/2962.

Fel Tannayt

Email-inek ur d-itffeɣ ara. Urtiyen yuwren ttwaseknen s *

*
*