Timzizzlt n tskla tamazight n tirra : tawala tis kraDt – 2012

lligh tfka tsmghurt n tirra tayafut iZiln gh usggwas n 2010 d 2011, tggar s ussufgh n smmus idlisn lli yiwin tasmghurt tismghurin ar ghilad, had tazlgha n Tirra tDfr sul abrid ns gh usays ad afad ad tssimghur imaratn, taws asn, tntu tn afad ad ttaran sbughlun igr n tskla nnsn s usnflul gh isuyas n wallas. Mayad af ar taqqra i imaratn d tmaratin ad awsn gh tmzizzlt ad tis kraDt s twwuriwin nnsn gh usays n tullist d ungal d tskla n wazzan, ilmma, illa f tilli d willi iran ad drun ad-d aznn tiwuriwin nnsn n usnflul urta imda wayyr n ibril 2011 s:
tansa: N° 21, Rue 836, Cité Al Massira, 80006 Agadir.
ngh s imayl ad: tirra.asnflul@gmail.com – tirra.anyalkam@gmail.com

Aslgn n tmsizzlt

1. anaw n usnflul lli rad ikcm i tmzizzlt iqqan ad ig:
– tadla n tullisin lli d ur iggwizn i 6 iDrisn.
– yan ungal ismdn.
– Yat twckint n tullisin n wazzan ngh umiyn ngh tizlatin izrin 12 n uDriS.
2. iqqan ad ur yizwir is d yad tffgh tmun twuri n usnflul gh kra n udlis, mac ur igi amukris igh d gis ffghn kra n iDrisn gh tsghunin ngh ighmisn gn iyt win uriraD ngh iliktrunn.
3. iqqan ad ttyaran iDrisn s yat tutlayt tamazight imDaran.
ad ttuwzmmamn gh yat tnghlt n cd ngh ttyaran s kra n tmacint n tirra, ngh ttyaran s ufus tirra lli ifawn, ilint gh iggi n tfrawin tumlilin ur ikrrjn. iqqan ad ur ddznt tirra ar d ur fawnt, illa f walli yuran ad immagh s unck nna s yufa ad isur f ilgamn n tsftit n tmazight, issn s mk nna mi yufa mamk s rad ittbbi tiwinas d ad issfru tiguriwin lli ighal is bahra ur ttuwssant, d ismmZli gr iskkiln lli ittuwghran s tufayt d willi isdidn.
4. ad yazn umsnflul ngh tamsnflult awlaf n tkarDa ns tanamurt, d ad iktar yan lformulaire lli rad nn yaf d uslgn ad.
5. asnflul lli yiwin tasmghurt tamzwarut, rad t id tssufgh tirra gh tzRigin ns, yasi tamatart n tzlgha, tili gis tyafut i tmsnflult ngh amsnflul. tizRigin da ra d iDfarn gant tin tmsnflult.
6. tadrawt n tmsnflult d umsnflul g tmzizzlt ar ittgga tugga is d aylli s idra iga wins, mk lli ittgga tugga is idg tifadiwin n tmzizzlt.
7. ur illi f tzlgha ad trar idrisn lli ur yiwin tasmghurt i isttlal nnsn ngh idbab nnsn, mk lli fllas ur illi yat igh jlan.
8. illa dar tzlgha ad tssntl tasmghurt n usnflul igh ar ttannay is d aylli d ittyaznn gh usnflul ur illa gh uswir lli tra.
Formulaire à remplir

Ism (Nom) : .………………………………
Ass n tlalit (Date de naissance) : ………………………………..
Tazdught (Adresse) : ………………………………………
Tilifun (Téléphone) : ……………………………………………….
Imayl (email) : ………………………………………………………..
Anaw n usenflul (Genre de création littéraire) :
Tullist (Nouvelle) Tamdyazt (Poésie) Ungal (Roman)
Tssufght d kra n udlis ? :
………………………………………………………………………………………………
………………………………………………………………………………………………
Igh dark(m) kra n warraten yaDn (urta d iffughn) :
………………………………………………………………………………………………
………………………………………………………………………………………………
Ghrigh aslgn n tmsizzlt, mcuckigh d dis. (J’ai lu le règlement du concours et j’y adhère).

Fel agh tannayt

Your email address will not be published. Required fields are marked *