Mass ayyad alhyane iga itri n tskla tamazight g usggwas ad izrin n 2011, yiwi tasmghurt n umzgun lli as tfka tzlgha n tirra, tDi as d adlis nns « tawargit n ufgargan », mklli d issufgh yan udlis ifulkin f usnmarra n tmazight.

Hati d issuda d dagh ayyis n tmdyazt, issufgh d tawckint nns n tmdyazin mi isti ism ad: tga tguri tislit, ig as iD imilcil. tawckint ad tamaynut tusi kigan n tmdyazin immimn, iZiln gh tgharast n tirra d usmurg n tguri, tga d tinbgit tagara n mad d yad issufgh umdyaz nngh tawckint izwarn n « wis sa ignwan ».