Ixf n usggas

 Ilkm ukan ixf n usggas, s ighwli d wafa, ibidd gis,ar d ittanay illi v nn kullu izri, ar d ismuqqul id bayttar lli t yutn, ar d ismuqqul tt id rzagnin lli as mran inn,izr d ula tt id mmimnin lli icca, iggawr s akal, ar tnt izray gh ugayyu nns, imik iluh nn izri nns f ugharas lli as dagh imdin, yasi d ackar nns, ig gis anaruz, izwur asmmaql ifulkin i twada nns, issudu abarku n usggas amaynu, ar ittini : mqqar ncca tt id rzagnin, iqqan agh d ad ntrju ad nlkm tt id mmimnin ! Yut s udar nns, iddm i wussan n tizi, ar srsnt i tlli.

Fel agh tannayt

Your email address will not be published. Required fields are marked *