Tiwi tmttant anmγur atwargi γ tmurt n Mali Ibrahim ag bahanga ass n usimwas, ittumḍal γ wass ann nit; ar γil ad urta jju ifaw mad-t inγan d maxx ;
ikkat inn unmγur iga γ willi uginin ad ittukas uqryan i ugdud atwargi, ig awd γ willi ssiwdnin tinbbaḍ n izzilmḍ n ifriqya, ikk imnγitn d Mali nna mmu ikks aqryan γ 2956, mayan af tanbbaḍt n Ddzayr tra…

Gant tirra tudrt…
Ibidd ufgan gh uzrrar n tmattant
Issulm TiTT i tillas n y-ill
Ar ittmnid taziDart n ussan
D udmam n twargit ur iZiln
Issfld i tghuyyit gh tiddad n yiD
ISud uSmmid gh tagant d izughar
Akwyn uglan f tirct nk a y-akal…

Iggr i tallunt s ixf n igmz, agdud illan dids, nttan as ttqqln ad irar f tann s t id yut uqbil,irgm as tamazirt ula arraw, ikRd t id s waddad ula tiram, imzgan n imzdagh syafan s inzaDn biddn gh ixf n bu tazrt lli s as aqqran; tsmd tnana n tallunt, iRzm i taqqayt nns s tlalayt iZlmDn gh uzTta ira ad imrrt anggu nns iv…

Afus yugi wayyad ….
Iknud ul inu ar issa gh tghufiwin
Bddn w-ussan tiddi n ilattayn
Ar isghal unzgum tiyyiDs s unlli
Tdiw tuZZut n lghrd
Tg asklu itagant n tudrt
Ig ufgan asqqur i lixrt
Tucaf zDant ma izrin
Iswingm isrs iwutta f utrs…

Issufgh d wayyaw n tmsmunt tamaynut n ugadir yan udlis amaynu igan amzwau gh wanaw ns, acku iga afran gh tskla Tamazight s tmazight, adlis ad iga s ism: imnarn i wallas amazigh atrar, iZli I wallas mklli immal ism ns: ungal d umiyn d tullisin, gis sin igwzman, yan iga win tzrawin s tmazight, yan win iDrisn n tullisin d umiyn. Yiws gh udlis mass Akunad d…

Issufgh d mass Omar Haidar yat tullist ighzzifn s tmazight, ig as s ism: ihaburn n tayyu.

Tffgh d tullist gh tzazwlt n centre imprimerie, ilint gis 64 n tasna, ttyara s sin iskkiln tifinagh d ulatin, iskr as tazwart mass Mohamed Akunad. tullist ad tra ad tg tisit i umutti lli gh tddr tmtti Tamazight gh udrar. tga tullist ad ighzzifn tis snat gh wanaw…

Igr n wallas amazigh, tmmghi d dagh gis yat tydrt izgzawn, ibnghln, ad tt igan d twckint n tullisin n mass Abdllah Sabri, isti as s ism: tullisin I tifa.

tawckint ad immimn igan tamzwarut gh wanaw nns gh mad iZlin tagharast tatikniyt da as isti, tbDa f sin wallasn, yan izdi gr umallas d tifa, wis sin iga tullisin lli as ittals, afad ad dis…