Man-i ka nwades!?

IDgam uDan-ed akw medden
Seg tagat
Ass-ad rad akw dagh ddun
Ar tagat
Azekka ra-ed nit dagh aDun
Gin tagat
S ubrid llit-n ismuddun
Ar takritt ,
Gh-in a-gh-en aguren
Ar sguduyen.

Nek ssengh ukan
Man-i nwades g urwass
Mac akal isghawsa s uzwag
Azwag n irkan
Arwass i ufgan
Issermi, irmi-t wakal
Akal ira ad-as-ed ilal umya:
Afra d iman yaDn.

SerDen igDad i wakuc
Dar temjiwjt da-t yullen:
”Man urar a-k ibbin
Ad tutt akal s ufgan?”
Yunf ujddig, isawl wakuc:
Yat twargit ad gwnegh
G-is a-gh unnigh afgan ifaw
Skergh-et, ur jju sul sunfigh
IksuDgh-et, ur jju sul wargegh
Felgh-et in, ur jju sul Tasegh.

Urta unfen igDad d temjiwjt
Ad ssengin abezzag
Tsawl lmut: nek ur sul zeDargh.
Man-i ka nra!?
Hassan LAAGUIR
Ass n 19 yennayer 2010
Spanaya – Granada

4 tannayin

Fel agh tannayt

Your email address will not be published. Required fields are marked *