Afellay g FC Barcelona

Yuweḍ (ilkem) umirar Amazigh Ibrahim Afellay igherm n Barcelona, ḥuma ad isers tisurifin timeggura n ukeccum nes s terabbut takaṭalant n FC Barcelona.
Izzri Afellay asegri assesfran (visite médicale), d tuyskar as tewlaft tunṣibt d timlilit d ineghmasen. Ittuyfka y as udeffas (maillot) yusin assagh nes d uṭṭun simraw. G unmuqar nes d ineghmasen, inna Ibrahim Afellay ma-d s : ” immer ad ig yan seg tewja n terabbut tanemghurt g umaḍal “.
Iẓuran n Afellay feghen-d seg idurar n Rif, ilul g wis sin w-ussan n  Kuẓyur (avril) 1986 g Utrecht g temurt n Hulanḍa. Yurar d iεerrimen n terabbut n PSV Eindhoven seg 1996 ar 2002 afad ad imatti s uswir anemghur ger 2003 d 2010, yiwi di-s tasḍa (championnat) tanamurt tahulanḍt kuẓt tikkal. G useggwas n 2007 irẓem taggurt n terabbut tanamurt tahulanḍt, yurar di-s 31 n unmuqar d ilkem di-s anmuqqar ameggaru n tasḍa tamaḍlant g 2010.
Ra-d ig umenṭag anammas (milieu offensif), Ibrahim Afellay, amirar Amazigh amezwaru gh umezruy n FC Barcelona seg telalit nes g 29 Yimrayur (novembre) 1899.
Ar nsitim i y Afellay tudert tunnunant taghezzaft d tabrida tamaghudt g tarmit nes takaṭalant.

3 tannayin

  1. Azul i umurar axatar Mass Afellay :
    Ayyuz nnek Mass afellay g ubaraz n tunnunt.Ar ak ttinigh is meqqar tgid amazigh s wassagh d unetti nnek s imazighn n ugafa n tmazirt nnegh tesnumel k yat tneghmast g tamja tis-sat n tunnunt s umurar ameghrabiy d waärab .Tenna i usmun nnes d inebgawn nnes Mass Fulan d waraw nnes g wass n 23/12/2010 is ur tgid xas amurar ameghrabiy maca tgid amurar aärab amezwaru inettan s trabbut n katalaniya.Righ ad inigh is suln itsen iärabn ar ttacern tamanget(La gloire)n imazighn mar ad sxitern tizzulya nsen.Ikka tin yan usagil amiZran isnuml amurar amazigh ameqran Mass Zin Ddin Zidan s umiy aärab far ad yini is tamangt taärabt telkem tizi nnes tagraghlant.Ur gin itsen iärabn xas imacern n tmanget tamazight.

  2. Azul Mass Aghezzaf,
    Mek tessent, i3raben myaren tukerḍa n w-ayda n imadanen yaḍen. Ar as selsan timelsit nsen, fken as isem nsen ghalen is iga win-sen. Tuyssanen g umezruy s tukerḍa mek inna Uxeldun g udlis nes. Mac, iqan-d i y umazigh ad issen ad itini “UHU”.
    “Uhu, ur gigh a3rab, nekk d amazigh” tga asafar i w-attan n ti33urba.

    Imazighen seg telalit…..ar tamettant.
    Tanemmirt.

Fel agh tannayt

Your email address will not be published. Required fields are marked *