Home » Tamdyazt » Tudert Tamghlult (Tarzzift i Mohamed Oussous)

Tudert Tamghlult (Tarzzift i Mohamed Oussous)

Tawltimt n uggrn n uznbu n tutlayt
Izlm n tiyni ittayagaln gh talayat
Izlan issfra nw awal aghrfan
Ugmim n ughbalu izuzwan gh irafan
I laz nk d irifi nk ay anaw inu
Adghar n tdrfiyt ignna stara tn
Imikk n tifrt urar nk ara tn
Tizzla n uzur inna uqbur f tudrt
Frk tzzrit ussan nk a gwma gh tumrt
I laz nk d irifi nk ay anaw inu

Tiwlkin ad ugln middn f iraman
Akwrn akwln ayln drn ar aman
Tudak a gwma taghamt nk asnflul
Slagh nttat ad gikk iskrn amghlul
I laz nk d irifi nk ay anaw inu

Maxx yafud Rimbaud d Baudelaire tirra gant
Timitar n tudrt ann tamghlult
Tlult ay Oussous tddrt gh tirra tsult
Afgan igh ur suln aywal n tagant
I laz nk d irifi nk ay anaw inu

Farid Mohamed Zalhoud
Tafraout ass n 17 /08 / 2010

—————-
“Je n’existe que dans la mesure où j’existe pour autrui” Manet
TUDRT TAMGHLULT

Tarzzift i gwma Mohamed Oussous

Comments

  1. alhyane yeqqar-d:

    ar bahra nssimghur mass Zalhoud alligh issimghur mass Oussous gh tmdyazt ad nns iziln. izlan ad gan akk tugga f tizilt n twwuri n Oussous lli s izdar ad srs yall aswir n uswingm d tskla tamazight tatrart. issn ku yan mas iga yan gh imazzaln lli izzad unzgum issagh asn angaz laln darsn iswigimn arun iswingimn nnsn tayyawin…
    tanmirt bahra.

  2. Amasine yeqqar-d:

    Azul, Mass Zalhoud
    Tanemmirt f tmedyazt a-d yusin tayri d tiddukla tamazight, tfek tugga f umeghnas d umsenflal amazigh Muhmmad Usus.
    Mek lli tssimghurt Mass Usus gh tmedyazt nek, ar-k ssimghurgh awed nekk, ssimghurgh akkw wi-d d ti-d irban anezgum amazigh, kcemn iger n tirra d ar g-is tekwfasen amud n twengam d isyafaten nsen ad agh fkin taffiwin d imadaghen n idlisen.
    Tanemmirt.
    Ar timlilit…

  3. garhou mohamed yeqqar-d:

    azul
    ar k nssimghur a ssi muh f tmdyazt ad lligh tiwit kra n tugga f gmatngh mohamed oussous,iqqand ad fllas nfg tugga ghwid ula ghwin is iga yan umazzal mi imllul wul ns,ar ittaws,ar nn itga tuggas ns,yawwuz id f umawal n tguriwin n idllisn,ar iqqay afus i imarratn ,isay tn agharas,ar ittazil ,ijlu akud ns,tawwuri mqqurn ayan,ur nit trxi,ar as kullu nsutur afulki i tudrt ns ula tt in warraw ns,ula tt in willi t urun inn.
    ayyuz nk a ssi zalhud f tmdyazt nk lli gh tcuckit awal
    tanmmirt ar tiklit yaDnin

  4. mohamed oussous yeqqar-d:

    ar k ssimghurgh a mass zalhud f wawal nk immimn igan zund tammnt f ulawn, mklli k bdda nmyar ar tssimghurt s imazzaln n tirra, ar asn tggat atig, macc ghalgh is flla iggut wawal ann, nkki ar ttinigh is nit sul lligh gh tzwara n ubrid, ar sul nttlmad rad nghama ar nttlmad ar d nmmt. tanmmirt nk amdyaz ngh axatar ay aghbalu n tguriwin ur ittgharn.

  5. Aza Aziza Nafia Aza yeqqar-d:

    mklli bdda gik nmyar a mass Zalhud, ar bdda tssimghurt s imaratn, sul s tmdyazt, ur agh tfl mad nttini! ayyuz nk
    ar k bahra ssimghurgh a mass! ayyuz nk

  6. Azul
    Tanmmirt attas attas !
    Ar timlilit
    Ujjigh awn(t) afulki d ufra d tmrt gh tudrt
    Gwmatun(t) Zalhoud

Fel Tannayt

Email-inek ur d-itffeɣ ara. Urtiyen yuwren ttwaseknen s *

*
*