Dadda Amazigh

Dadda amazigh
Mqar-k ur ẓrigh
Righ ad ak inigh
Max, tejlit akal ?
Tget afus gh ufus
N garafgan
Tasset ixef nek s izakaren
Asafu, usin-t gar ifasen
Tget asen amawas
Tget isek°fal
Ar ser-k lkkemn awettas
Win-sen, ur-d win-k
Ad gan

Dadda amazigh
Mqar-k ur ẓrigh
Righ ad ak inigh
Max, tejlit awal ?
Tkerft iles nek
Tget as, tigusin n usged
Terbut awal n wiyaḍ
Tget i bab nes isemg
Ar asen tinit
Gan ag°erram
Ar asen tkkerzet
Igran n w-awal
Yasi tayafut
Tasit tammara
Tfelt igran nek
Ar ten sgharen ussan
Ksen g-isen uccanen

Dadda amazigh
Tusset ixef nek s izakaren
Arun izakaren
Tarwa d w-ayyawen
Irin ad agh kerfen
Gin agh taglult
Ad nut tazzgunt
Gh tillas n tuttut

Uhu, a dadda amazigh
Uhu nit iquren
Ad ak t inigh
Abrid nek
Ad d-is bbigh
Nekk, ra-d bbigh izakaren
Utegh s ifaren n tilelli
Utegh s umadir d usemmawed
Kerzegh, igran n w-awal nek
S w-awullu n tirra
Gzigh iḍerfan
S tg°ersa n usekkil
Zzrigh ser-sen
Isura n tussna
Fergegh ten s izerfan
G°delgh ten f imakern
D imezzan

Dadda amazigh
Nekk, ayyaw nek
Kkusigh akal nek
Kkusigh awal nek
Neg, bab nes

Dadda amazigh
Nekk, ur sul righ tag°mat n wiyaḍ
Righ tinew
Nekk, ur sul righ awal n wiyaḍ
Righ winew
Ur sul righ tafukt n iminig
Nekk, righ tin dar negh
Ur sul righ, tassast n izakaren
D tabbayt n iẓuran
Nekk, righ izenẓaren n tilelli
Isufa n timmuzgha d ufrak
Ad nghegh tillas n tinnuzgha
Bbigh izakaren n tissumga.

Abdullah U Muḥemmad Amasin
Ass : 08/11/2010

  1. Azul i umedyaz nnegh ghif tedyazt nnec igan taghuri irghan i usedderf n imazighn maca ad digh ur netteqqen tifelwin nnegh ghif mayd igan ils d udalis acku nedder ammas n imadanen d idsen.Ad ur nettu iZuran nnegh maca ad ur netteqqen allen nnegh ard neg wan iderghaln n wul d twengimt.Uhu i usdurrey adelsan .Yah i umuzzu(La tolérance).ZuzDgh ad i tessefrud tiwaliwin ddegh:”taglult”d”tazzgunt”.Tanmmirt irghan .

  2. Azul,
    Tanemmirt nek irghan a tawmat xef tinnayin d imnaden nek.
    Mek lli tsent a uma, Imazighen rẓemn tiggura nsen xef tussniwin d tutlayin yaḍ-nin zeg Afulay d Agerram Augustin ar tizi a-d nit sul. Mac, amukris axatar n Imazighen iga-t lli g jju ur rẓemn aggur n idels nsen. Usin-d awal nsen gin-t g umalu, swurin s tutlayin n wi-yaḍ acku ghalen is gan-t tutlayin tig°erramin.
    Tizi a-d lli g nella, iqan-d ad nssen ma ra-d yili g usk°fel amezwaru, d ma ra-d yili g usk°fel wis sin d wis kraḍ. Tutlayin yaḍ-nin lan-t idbab nsen-t, mac tutlayt negh Tamazight tesghawsa s w-arraw nes ad st allen s uswir amattuy.
    Imazighen, gan tarwa n tgherma tagraghlant d tamaḍlant, d ur ufan ad di-s bbin negh ad di-s bḍun. Yah, i tutlayin d tussniwin u umaḍal, mac Yah ameqran d axatar i tutlayt d tussna negh tamazight.
    A mon avis, la tolérance doit être positive et non pas négative, car elle doit s’arrêter aux frontières de l’intolérable.
    Amawal :
    Taglult : nœud
    Tazzgunt : spirale
    Tanemmirt nek atas xef umsawal a-d a tawmat.
    Ar timlilit…

  3. Azul i umedyaz nnegh Amassine:

    Meqqar ur illi usnimmer ger agh ghif ay-lli igan abawis ar k snimmirgh s usnimmer irghan bahra ghif usefru n waddad nnek d iwaliwn lli ttergh.Ar ssaramgh ad i tessefrud iwaliwn yaDnin g tedyazt nnek n imal.

  4. tenemmirt chigan!!! macha mech toufam adakh tgim amawal
    idekh our nssin i tamazight chigan!!
    i dattinigh i ayt site dekh mer noufi an nnaf amawal amazigh g net
    dghi mchta aya ayd teggan amawal sour ourtlli tamazight g
    google dictionary!!!!! tanemmirt chigan

  5. Azul i Mass ZIRI :
    G Sit n lexicologos ssikl “Dictionnaires”qenna ad tafd yan umawal amazigh .Ddu digh s usmel Tanekra i france com ra ad ttafd wayy-aD.aD ur tettud ad tessigd “Tawalt.com”far ad ttafd yan umawal.Ddu digh s “Tamezgha.fr”mar ad tgherd wa-yyaD.Ad ur tettud ad tessigd “Ircam.ma”far ad ttafd wi-n usneghmes d wi-n tjerrumt d umawal n tutlayt tamazight dmennaw n idlisn ilan tawuri ikkwarn s tenfusin,d mennaw n uTunen g tesghunt ineghmisn n usinag d idsen idlisn lumn amezwaru d wis-sin d wis-craD ittughetsen i tinmel.Ara mayd teqqard xas astaw i tghuri.Ar ac ssaramgh taduci(Le plaisir) n uzutf(La découverte).Ad ur tettud ad tegrud “Toulangues.org”aha tessikeld “Annuaire des liens”digh “Brebère-Tamazight rad ttafd ismal yaDnin .Ddu g ubrid ddegh ad ac yaws Rebbi.Aked tamazight ur da ittewHal umzutf.Tisura n tbaynut nnes tella dghi ger ifassen nnec.

  6. ayyuz nk a mass, isqsitn ad lan atig mqqurn!
    tfulki tmdyazt ad nk, mqqar iga uZTTa n izlan ns isqsitn brrinin ixf! macc mayad ar immala mas d imazighn zDarn ad aran f imukrisn nsn s tgharast n usnflul iZiln immimn, ayyuz!

  7. Azul aseklan,
    Tanemmirt nnun akkw.
    Tanemmirt nem a Lalla Aziza f tguriwin a-d nem tifalkayin.
    Mek lli tssent, imazighen zdaren ad fken s tutlayt nsen, is ka fella-sen illa ad-en akwin s ixef gh tamda n tirra, han ur ad gden.
    “Afus gh ufus, inna izzayen ad yefsus”
    Tanemmirt.

  8. Tanmmirt a gwma f tmdyazt ad mu yzri ufulki nnes iwtta
    Tssusmyyi tmdyazt ad kigan seg vtizwiri ar tigira
    Ssutrgh ak afud igerrzen g tghult n tmedyazt
    Azul seg wul

  9. azul amghnas tanmirt ank f tawir yad ark snimirah bahra walayni yat tghawsa tatotst igat atarat tamdyazt ad ank s tifi nagh fad ad tfkat hta i toutlit atig ans walaini thna lo9t ghikanna nit ifoulki youf balch tanmirt tiklit yadna

Fel agh tannayt

Your email address will not be published. Required fields are marked *