Home » Tamdyazt » Ajjig Amazigh

Ajjig Amazigh

Ajjig Amazigh
Ajjig nem a tamazight
Agh usigh amud
K°fsen-t imezwura negh
Gh turtit nem a tamazgha
Bughlan, zujjgen
Fkan tujjutin i wiyaḍ

Ajjig nem a a tamazight
Agh usigh amud
Kḍugh tujjut n tumert
Ẓergh afulki n tudert
Mqar-d tekka tmurghi
Iẓelmed d iminig
Mqar sghern ussan ighbula
Ajjig nem a tamazight
Fkan amud
Iḥḍat w-akal n tmazirt inu
G°deln-t, f gar afus
Ad t ur slin

Yawi-d umedlu
Anẓar n tilelli d ufrak
Isu w-amud aman n tilila
Mḍeln irafan, ddern
Ilal-d ujjig nem a tamazight
Isenduhdu akal
Yall ixef, yut s iẓuran
Isummer tafukt n imal

Ajjig nem a tamazight
Agh usigh amud
Ḥḍugh-t gh igudar, nḍuf-t
Nfek tisura nes i w-arraw inew
Inigh as :
Amud n tmazight ad sar t ur tejlum
Lan atig war anaw
Ayda n baba-k d ma-k, ad gan
Iga tabrat nek
Gan addur nek
Iga ass nek
D usekka nek
Gan tudert nek
D imal n w-arraw nek

Abdullah U Muḥemmad Amasin
Ass : 25,27/10/2010

Comments

  1. arhazaf mohammed yeqqar-d:

    Azul i umedyaz nnegh :
    Tadyazt nnek tga ajjig s ighf nnes iddegh tfulkey.Tga taweckint n ijddign nna tefkid i ku tarwa n tmazight s tmelda n tfugla n tlalit nnes tamaynut.

  2. Aza Aziza Nafia Aza yeqqar-d:

    tssmghin-d izlan ad ijddign flujjanin gh tansa yad!
    ayyuz nk mass amasin.. s dat

  3. Amasine yeqqar-d:

    Azul,
    Tanemmirt nnun attas f tguriwin ad tifalkayin, lli yusin tabrat n tagwmat d tayri tamazight.
    Tanemmirt.

Fel Tannayt

Email-inek ur d-itffeɣ ara. Urtiyen yuwren ttwaseknen s *

*
*