Nekk Argan

Lhanafi Laadawi

Lulx gh unrar n tudert nekka tasutin
aZor inw iswa s idammn d imik n w-aman
ifD n tarrdast as iZZa gh wakal n w-amur
addag  inw imDel s tiddi iskr tayyawin

Asklu nw asenfu  gant i yan ikssan
d imallayn akw n tagant lli tellinin
d imarayn gix inigi n kra sa ttinin
igwmi gisn  umlmad turtit n tallasin
izdi gisn  umdyaz  ighzer n tmawacin

gix accbar I w-adafn lli tn kkanin
usin saSbo d ssi3r n iwtta w-amur
addag inw iga x iggi  n  wafa  acnyal
i tudert n ufgan iZiln  ikkan amawal

aqqa nu iga tamuzunt ur ilin anaw
fkan atig i tudert fkant i w-akal
fkin tirmt i tighiTTn ula y-ikrwan
asin afgan ad iggutn ur rmin assay

tiTT  uzerg agh mzzix asaru nlkemt
timkilin ax nn  addumx nssimim ussan
gx asmun i w-udi ula kem a tamment
gx asxen n ubazin i yan ur iccin

sfDx izmuln n tudert f yilm tasutin
gx azzghur n tfidi  sittix as atrs
jijjix afgan gh  tmuDan mi lahh  asafar

isggwasen a nekk nga asghar ur issen yan
ndel s udfel  tuti  zzallt nkel x irafan
aZnGiG  d usMMid ur sar iyi sittin
is ar issdus i tiddi new aran is nsul

nkki  y-argan nbidd ar awn ttinix
tamatart n w-atig inw rastent tafim
nuratent tirra lli jju ur issinif ufus
afgan ad gix  s w-addur nela  talalit
ur sari ntln azenzar ula tifawin

EL ADAOUI LHANAFI  Tafrawt as 24/07/2010

  1. Azul gwma Lhanafi
    Tanmmirt amldyaz f izaln ad ssfranin zlinin sw argan d tirrugza n ufgan amazigh.
    Tanmmirt f tugga nk ay amdyaz;urar lli rad ur isfd gar afgan dw tighzi nw akud;tugga tamghlult!
    Ayyuz nk
    Ar timlilit
    Ujjigh ak afulki d ufra d tumrt gh tudrt
    gwmak Farid Mohamed Zalhoud

Fel agh tannayt

Your email address will not be published. Required fields are marked *