Iyḍan n umeksa

Iyḍan n umeksa
Ukin f tayessa
Iḍer-d umeṭṭa
Tettagas tgheṣṣa
Quren iseksa
Iddukel uccen d uṣkay
F tili tigellint
Ukin as f w-arraw
Ad as bbin iẓuran

Ra-d sul taru tili
Izem n izmawen
Ra-d sul nddern
Gh tukaḍ n idraren
Ra-d sul ikcem uccen tillas
Mqar d uṣkay garamawas

Ra-d sul isenduhdu unẓar akal
Temmghi tuga, izegziwen igran
Zujjgen urtan
Tawi-d tafsut tujjut n tlelli
Tmun-d tafukt d tirghi n tderfi
Ayeln-t titbirin s igenwan
Klen-t timalliwin gh unrar

Nḥuc gh usayes
Nessus tigh°raḍ d unezgum
Nesdubbez akal s uberdakk
Nemḍel gis azeḍḍum
Nall ixef s igenwan
Zund isek n udrar

Abdullah U Muḥemmad Amasine
Anebdu, 2010

  1. Azul Amasin
    Tanmmirt nk bahra irghan fw awal nk assfru amasin iziln ifulkin izdan gh ifili n tayri sw aqqayn n urin nk !
    Tanmmirt
    Ayyuz nk
    Ar timlilit
    Ujjigh ak afulmki d ufra d tumrt gh tudrt tuggt n usnflul d tayafut d ubughlu d imal amghlul
    Gwmak Farid mohamed zalhoud

  2. Azul aytma d istma,
    Tanemmirt izujjgen a gma Zalhoud d gma Actuk f tannayin nnun d isyafaten nnun. Ar Kwen snimmirgh awed nek f tiwuriwin nnun, huma ad telkem tutlayt Tamazight aswir lli igan wines, aswir amattuy d aswir axatar.
    Mek lli inna igellin n Dda 3li sidqi Azayku, Tamazight tga turtit feln agh tt-d imezwura…
    Ayyuz f tuggas lli-en tgam ad issatig umazigh ixef nes.
    Tanemmirt.

Fel agh tannayt

Your email address will not be published. Required fields are marked *