Tag°mert tamazuẓt n tumert

Tgit-en aḍar, gegh-en aḍar
Righ ad dim drugh abrid n tudert
Izemuẓẓal nem ar tighzifen, ar tiḍnin d ar tdusen
Winew ar tigzulen, ar tisdiden d ar tamumen
Tssunfet iy zegh tmssektit nem, tettut iy
Tssukeft iy zegh tkuyasst nem, tessak°it iy
Tmunt d wiyaḍ, tget asen timelsa d imessa
Tssisfiwt asen aḍan, tessanfet asen iḍersan
Tget asen ayyur d itran
Gegh nek igigil igellin
Sagg°emgh kem isegg°asen, iyyiren s w-ussan

Mac, ass ad gullegh ar-d gegh aneg°mar
Awettas inew, ad kem kerfegh s isekraf yufen uzzal
Tezdeght taddwarit iḍ d uzal
Tget tafukt inew
Gen izenẓaren nem isufa
Da issisfiwen igharasen inew d iberdan
Skergh am tameghra
Gin-d itran d w-ayyur imezza
Tget tinew, gegh winem
Teg tudert negh tamegdult tar imeṭṭawen

Zund anafal
Ghalegh is gigh imiri n tumert
Rẓemgh am taggurt
Fsigh am isekraf
Tannit tifawt, tmunt d w-aḍu
Izuzzer kem gh igenwan
Tzuget, twattset wiyaḍ
Mḍigh gim ma-d tugem tassmi gh imedwan
D isura n w-aman
Teg tg°mrt n tumert tamazuẓt
Tfel agh-d tammara d imeṭṭawen n tguḍiwin

Abdullah U Muḥemmad Amasin
Ass : 28/03/2010

Fel agh tannayt

Your email address will not be published. Required fields are marked *