Timlillay

Lhanafi Laadawi

Nger tillas n w-aggu d w-aman n marur
ax hnncgh  tarDumt s tiddi arkigh ar allax
yuti yi ibiqr  mdudix  akwix  ar akal
knux awen  a willi jju ur nix is llan
ijdr w-udm targagayt tuki yi s ufus

tasut ad ka kkix  ngiwr ar nettini max
iskr gi uzemz tayyuga nes lli s isrwat
ig iyi d bugjdi  dusn   a n tmlilliy
zulnti  w-aln s twada ur ccix  alim
ccix  aghruc n yyahu tama n taffiwin

aZetta nem a tudert ilsa yyi timlsit
n uhyyaD  agwix igiwr is aka ttelix
asuk iga azdugh inu lahhi magh n ttelex
mayyi yaghn ur jju ginx  amr s tissiwin

ssumx adif n tagat yawi yi w-asif
ar  ill idran n tGuDiw  ula tinatamin
iZran nes  rZan iDarren ssukfeni y-afus
kwlan tixsi s tfidiw ura ttinix ah
iZma  wul  ingi s idammn asix lmisan
afus inw as qqazx  imDl nu nakwi sers

akabar mmatin idda felni x ugharas
agDrur ka y id yagurn iqqn tiwallin

rwelx am a taGuDi s llix i tlekmet
tutt i s ughRuc n trDumt tsmlalliti  sers
tawit ussan n w-azaln tfelt inn  i tillas

ghila duyx ar swengimx mamenk a nisal
afex d tixsi tdduda imi ka as llix
asklu  ka ad gix  gh tudert ari y ittilih
ix  ka lah  tufawt d uzenzar n willi y  iran
s igh i lahh issukef  w-aDu  timitar n w-ul

tudert ad tga d uzemz ix k ifel telkmtt in
att ukan telkemt azzeln irin akkwn feln

imik n uzemz  add  yagurn rixtn a y imim
yuda yi ix gis nmaggarx  wi lli yi ittirin
d willi rix  nmun i tudert  imik n w ussan
drux didsen timrZigin ula timimin

Casa le 10 /06/2010
El Adaoui Lhanafi

  1. ayyuz ayyyyyyyyuz mass el adaoui tirgit n usnflul amazigh ard ukan ttnfad ar agh takka timitar n tdusi n warraw n umazigh gh kra igat tasga nssn gik amghnas idusn ard gik nttsn amdyaz idusn ayyuz nk han nqql s tdla nk gh man ur yaggugn assis tsmdt i ugadir n tskla ngh afad ad yattuy ayuuuuuuuuz nk dagh

  2. azulnk amghnas mass hanafi.arkbahra snnimmirgh fmdyaztadnk ihlan litgrit stugt ntgriwin mimn tfnt yat tadfi iccwan.yantnt ighran aritizdir ayanni maygan ammaknsnt.adak ismd rbbi awttasnk ghtskla tamazight limurad urnaf zud nttat tanmmiiiiiiiiiiiiiiiiiiiiiiiiiiirttnk atttas

Fel agh tannayt

Your email address will not be published. Required fields are marked *