Tatgart n tmagit (Tarzzift i ultma khadija Arouhal)

Lhanafi Laadawi

Zdin iskkiln gh tifrt ilin atig
gin timitar n tlalit a y amazigh …
lalla tZZit itran gh tillas n y-iD
n tifawin i tmagit tighzi ubrid
tZmit armmad ig urti gh illa w amud
tizzwa ssumment taDfi nnun a y ajddig
tamment tga tighzert tfinn i w uGGwug
jjin w-ulawn gh tawda lah aSmmiD
tadla n w-aDil d ifrawn d usghar ibidd
skern asklu gh nttsenfu zun d agllid
ils amazigh immagh  iDi y aZngig
ifk i w-akal  azenzar ula aDgwig
ini y-at i wi lli tt  imDeln  hat id ghid
gan  asatur yattuyen gan aghulid
ix akw ttyagasn ibidd ar ittmnid
ighr i warraw nes innas ghawlat yyi-d
gwmi y at awal taramt a y-g  afRZiZ
ijder taqqayt n willi iran att itBBij
ils amazigh gan tisit  gan awwudid
ittghwin s w-ayyur n tmagit  sufun i ghid
lalla turit arra tsemdt ax  atig
ig tatggart n tmagit ur ra TafuD

El Adaoui Lhanafi
Tarzift i ultmatenx khadija gh uzwil n twckint n “Azawan n urmmad”

  1. tanmmmmmmmmmmmirt amghnas tanmirt amdyaz iga iyi addur ad iyid lkmnt tguriwin dusnin usinin ammakn zilnin dar yan uzur idusn yutn gh wakal n tmazgha s tmitar n tghnsa d trrukza d usnflul izddg tanmmmmmmmmmmmmirt nk attas mass el adaoui mayad issumr iyi bahra

  2. azul amddakl;ar aqragh timdyazin nk mac gammigh ad amngh man tizi ad gik ilul umdyaz.d makh lligh tin tgit gh tillas ihbu gik isggasen ad kullu kn ssen.
    izd itran ard tlaln azal igh fllasen tlla tafukt nghd igh asen ighra wayyus s usarag gin anddam sufun gh tillas.
    ayyuz tmmim tmdyazin .brek ger wiid itluhn awal immimn.

  3. azul asafu
    kra igan amazigh ihba gis umdyaz ; issum awal izddgn gh tibbit n innas; ismd as timimi s tayri n wakal ; d w awal ; d tmagit ns teg tamdyazt iZiln
    tanmirt a tagwmat

  4. tanmirtnk gmatngh amaynu ghikna asnra atsn imghringh imazighn.accku kraygat yan illald yawiddis tayri ntutlaytns mayan atidhhin ardaran sidamn nizuran nulns tugt ntguriwin mimn ghmnid ntawsnans irafllas immagh ard tg zud aduu urtfl mani urtkka…tanmirtnun

Fel agh tannayt

Your email address will not be published. Required fields are marked *