Asmmaql gh udlis “iludi”.

Daoud Garhou

Gh tfrt ad rad narm tiklit yadnin ad nawi yan usmmaql f udllis n “iludi” lli-d tssufgh tmarat Khadija Ikan,adllis a iga yat twckint n tmdyazin gh llan 50 n uzwl;asmmaql rad ihmakkc acku ur rad-d isssutl i kra ihban ngr tuskiwin d twinas ula tiguriwin tsmrs tmarat gh tzlatin nns, mqqar d ghika-d rad inigh aylli gis ufigh llight ghrigh.

1- Tiwi-d tmarat asnflul nns “iludi” f tawtmt ( tahcmiyt-ta3yyalt-tamghart),tsawl fllas gh kra iga tt tasga gh tudrt nns: tawwuri-tayri-anaruz-tilit nns- adghar nns- izrfan nns…;

2- Aklim yan isk gh waskawn n udrar aguzul(atlas amzzyan),gh udrar ad tayri ar tyawlmad gh tinml n ssqqr tad mi gan inlmadn nns ti3yyalin d i3yyaln, ig udghar nns tama n ighbula d ddaw n taddagin n tmazirt,adllis nns ammakn usint tguriwin n badad d tamunt d tudrt ighudan ngr tawtmt d uwtm;tinml n ssqr agh ssntayn i3yyaln d t3yyalin tirsal n tawja n imal d ugdf ttnuruzn ad t skrn,naff nn tamarat tsawl bahra f tizi ad: tazdayt ngr u3yyal d t3yyalt tsnuml tamimt nns d imrzig nns.

3- Gh tghri inu n idrisn  dfrgh ssufghagh-d kra n tiwan lli s syafagh is gant timnrar f ttwirriy twngimt tamatut n udllis,tid smnalagh tnt d ingratsnt fknt yi yat tskimt immaln is tazdayt ngr uwtm d tawtmt ur tzzgi iman nns ammussu yat gh tzdag tann gh tmmrwi:

Imdyatn f tiwan lli ufigh gh udllis:

-*tssnt(awtm) ad yi tgt d tmghart   #  *tgt(tawtmt)iman nns,bla nns ur rad iddr ula ar izzigiz.

-*sin itsn(awtm d tawtmt) gh tmkrra n ufulki  #  * lligh gigh slagh nkki.

-*syafagh tayri nns imqqurn  #  hacagh ul lli k iran.

-*nikkin tamghart ann(icqqa fllak ad yi tfrkt)  #  ur gigh tamghart ann(ran gigi(iwtman)…ur gix bla tamghart).

-*ar gik siggilgh argaz lli tt inn ikkan  #  nnan ak: “tafud”(ar isiggil talli tt n ikkan).

-* ul inu d ul nnk gan yan  #  ar swingimgh i twwurga inu(is nit gan yan?).

……………………

Asflu: tamarat tggr nn i yat tghawsa lli sar ur ismmadn rad trgh akud nna illa ufgan(awtm gh tama n tawtmt),adllis n Ikan Khadija yiwi-d kra n tmukrisin sul ukan gisnt tddr tmghart nigh ta3yyalt slawan akkw gh idrarn ula gh tmdinin tid zlinin s izrfan d udghar n tuwtmt gh tudrt.

  1. Azul mass Daoud,
    ayyuz nk f tghri yad
    tggrt nn gis i tugt n tghawsiwin, tzluzzut asnt tifawt, afad ad sisnt issisfiw umghri isttighn ngr izlan n twckint n ultma tngh massa xadija ikkan…
    ayyz nk d ayyuz i massa xadija xf tawwuri ns iZiln, ar as ttinigh s dat a ultma.
    Tanmirt nk a mass Daoud f issisfiwn ad lli didngh tdrit, ayyuz nk.

    http://www.tirrawal.canablog.com

  2. Azul istma d aytma

    Tannmirt i gwma Garhou f tighri ad xf tawckint inu n tmdyazin, issusmi s ghiklli tzzert f anamk n tguriwin ns izlin s isyafatn .
    ar k snimmirx bahra d arak sirimx tawala ifulkin g tudrt.
    ayyuz

Fel agh tannayt

Your email address will not be published. Required fields are marked *