immi nu a y-immi nu
tastwat gh ils inu
immi nu a y-immi nu
tastwat gh wul inu
immi nu a y-immi nu
tastwat gh tasa nu
immi nu a y-immi nu
kmmin ad iyi yurun…

Issufgh d umara mqqurn lhusin Bouyaâqubi ittwayssann s wanir ungal ns izwarn mi iga s ism: igDaD n wihran, ungal ad lli rad dagh ismd yan uDrf ighzzifn ibughlan gh igr n tskla Tamazight, yiwi d f kigan n imukrisn lli gh ttddrn ayt tmazirt ngh slawan akkw i3rrimn zund imukrisn n uzwag d tmagit d tutlayt d unngzu n twwuri d uzlaD, ar ittsutul wallas ns f…

Fk iyi udm nm
Add gis agwmgh afulki
Mas sswagh tifras inw
Hbbl iyi s iZula nm
Qqn flla irgl n tiTT
Add ssukfgh iZuran n umTTa
Yawi iyi iDs gh iZri nm
Ml iyi azmumg nm…

Ig w-ass ann yan g w-ussan, sfuglnt tillas n yidh ns tizi n snt, zmrnt ad aghulnt am tamyurt, ad ur flnt amr yat tzrurt tungalt n igniwn, tg tinigit f tsgni n yidh ann s ini ns, tzmummg zund ar ttini : ar timnili ! Tllem ixf ns, tnnadhu, tssyafa asyafa idran s usuf, tmdhl taghssa ns g ixf ns, tfsi, tg araggw, tnghubu g umawal n izri…

Arwass i iswingimn i ttinin : tamghart twayskar slid i tgmmi!
taDuri i wawal i ttinin tawtmt ur tZDar i usnflul! Ukuf i iZuRan n tkrkas izdin tamghart d isnwi d warraw!
Asa n ismDal i wanaw ann n isasan ikrfn anlli i kra n middn!
had ultmatngh Fatima Moutaoukil ittwayssann s Tanirt gr tiyyaD tfka tugga f ma mi tZDar tawtmt Tamazight gh usays n usnflul d…

Nger tillas n w-aggu d w-aman n marur
ax hnncgh tarDumt s tiddi arkigh ar allax
yuti yi ibiqr mdudix akwix ar akal
knux awen a willi jju ur nix is llan
ijdr w-udm targagayt tuki yi s ufus
tasut ad ka kkix ngiwr ar nettini max
iskr gi uzemz tayyuga nes lli s isrwat
ig iyi d bugjdi dusn a n tmlilliy …

Zdin iskkiln gh tifrt ilin atig
gin timitar n tlalit a y amazigh …
lalla tZZit itran gh tillas n y-iD
n tifawin i tmagit tighzi ubrid
tZmit armmad ig urti gh illa w amud
tizzwa ssumment taDfi nnun a y ajddig
tamment tga tighzert tfinn i w uGGwug
jjin w-ulawn gh tawda lah aSmmiD …

Iga yan u3zriy, ar ikssa i mddn ulli nnsn s tirmt, ar as ttinin: Hmmu n faDim .
Yan t yaddrn ar ittini: is iga bla Hmmu n faDim!
Ur t id iwint tmgharin f yat, igh llant gh tsukt, ar gis zrrunt tilikin nnsnt, kwsnt tiklmiw nnsnt, kwsnt f iqllula nnsnt, Hmmu isswa d ulli nns gh w-anu, lligh swant, gwnnt, iddu ad icc gh tgmmi nns…