Ma innan !

TiTt,  imi s ils
amki as nmaggar
yan d uncuD
smroin tiguriwin
tzbu yangh tayri,
yan iD,  yan imik
nigh azigi nkka !
igli angh uzmz,
s mani ur nxaliD
s sin nmudda,
ur ntam
is yaZ nigh yaggug
nek didm tililli
yan dili yan…
Ktid !
A aklalyus yi d isduyn
ku awjim g satimi
n usrzem,  ara zwaen,
winm da d ittar xf
irgl n tiTt iw,  ur ta d alin
isur ilmma ufulki nm,
xf uzmumg iw
da tnughu tghwrit nm,
tqd ilmma tasa nu
tsmsti uncuD nm
gr izuzwa n zikk
d islin urtan
… issangh is lligh.
Ktid
a tanbruzt iw !
a amanar issilwighn inktibn iw,
igh n taggugt xf tiTt
anlli tiwit,
tamut tasa,  ils kmmin kad addarn
…..syafagh km tama nwi
Ktid
a tanumcut iw
a tafilla izggern aDan iw
tawz tmatr iTs iw ad yi yawin
tssanf tillas i twutga nu ad fawnt
ilint tilit ad sul r tgt tawargit
rumsugh km yati targit
is tllit iligh
mtad is ufigh….

  1. Azul gwma Rinas
    Ghaylli s ak nnigh ghinn rad akt dagh nnigh ghid acku ur sul ufigh ad nnigh uggar ns:

    Ma innan ? Nnigh tnnit f mad nnigh mad ur idrusn mad idran mad issusmn mad idusn mad ighusn s tayri n ul nk tigurwin n urin nk tsawlt d twckint zund tamghart zund tililli zund tudrt urd azgn tudrt kra tga d kra f tiwi d kra s tmmim d kra s trzag tibdit dids…
    Ark snimmirgh ark ssimghurgh ar ak ttinigh ay arraw n immi TAMAZIGHT ayyuz nk !
    Ar timlilit
    Ujjigh ak afulki d ufra d tmurt gh tudrt
    Gwmak bab n “IMRIRI N UMDLFAW” Zalhoud

Fel agh tannayt

Your email address will not be published. Required fields are marked *