Tawala tiss 9 n tsdawit n unbdu g ugadir

Tawala tiss 9 n tsdawit n unbdu g ugadir

Anmuggar awssan amadlan

16-18-yulyuz 2010

Abatu:

Taghrma tamazight d usqqsi n uzubdu.

Aznzi

Iga awttas ad nml is d taghrma tamazight ur tgi ghas illis n idgam, macc tga yat tghrma igan bahra taqqburt.
Timatarin g ubaraz n tarkyulujit d imdraz n umzruy g w-akal n tmazgha ar akkan tugga xf  ma y-ann.
Taghrma y-ad – lli ighrrdn zg siwa g tmurt n misra ar agrawal atlantik (lli g llant tgumamin tiknariyin) d lli g kcmnt tmura n izlmd n tfriqt d Mali d Nnijir d Burkina Fasu – ttuwssan s kra n tfras ilan intti lli  y-agh d yiwden s tgharast n tmktit  tamgrut nttat ad yakkan tugna tamazight.
Igh niwi xf tzrawin n tussna n umzruy, rad nssn mamk myakcamn mmskarn imazighn d tghrmiwin n zik zund tafrounit, tguniyt-tarumiyt d d tafinqt, d taaraslamt, d tbrtqqizt, d tfransawit….
macc iqqan ad nini is tlla yat taluft bahra yuman yili gis unnzray tzdi d w-atig lli ittuwfkan i udasil amazigh g ubaraz n uslmd g tmura n izlmd n tfriqt;
s umdya: tighrmiwin aæ lli tt inn ikkan imyakcamnt  d udasil ad amazigh ttuwfka y-asnt taghamt insnt g w-awfus n uslmd n umzruy, macc ay lli igan adasil amazigh n tghrmiwin ad yurri xf usga. aya d ar d ittawi i umsiggl(anmzruy, anarkyulug, anantrubulug, bu tussnils, bu tsla) ad srsn isqqsitn xf ma d d yiwin aya d, d ad ssanfn akdrur  xf udasil ad amazigh.
Iga awttas ilmma g unmuggar ad n tussna lli iran  ad nn iggr i mnnaw ibarazn, yiri ad issigut ikccumn xf udmawn n tghrma tamazight issuman aylli sis izlin g kradt tullin.

Fel agh tannayt

Your email address will not be published. Required fields are marked *