Akal tettum

Iffugh Ttalb s udwal
Yasi agwal
Iqqn rrwa g unwal
D lal unwal
Yals i snat, kradt twal;
Ar ittnftuti udwal
S Ttalb d warraw.

Ikerruz asn uxrbic
Tmun ljmaàt g uàric
Ig d imi b umghar arcic
yamZ Ttalb igr taghult d umrcic
ig yan g ljmaàt, ssaghn as Agwncic
inna mit i umghar s umcmuc.

Iberrh ismun d aduwwar
Inna unafal; tasga rad t nsmd i uDar
Dint ad ur ig i luDu gar
Isself Ttalb i wamar.

IZZal xf urqqas irggm iblis
D yan irurb awal iga gis
Isiksl umghar ixf, iDfer t uxrmus.
Inna, ihrm ustay n inflas
Tumghra tlla s ukus
Rbbi ad t innan, ig as agwnsas :
Tin Ttalb, tin Rbbi, tin urqqas
Rbbi, s ayt-rbbi, issutl as

Ttun awal, ifrgh asn ils
Gin dar imzzi axmmas
Iknu iqjdr ibidd ar smmus
Nnan akkw ghid agharas
Inna Ttalb ghid irkan, ghin ifrxan;
Tbbi twayya gh ungul, ttun akal
Man tizi rad tilim gh lmisan ?
Awid ittaln krad iDuDan
Yan ibri;
yan ighri;
yan isri !
Akal ttum
awal tflm,
ismg tgam !
ma iga tullm iDuDan !
igrm taghwyyit, tkksm t gh ibrdan;
taghamt ur agh tyakka igh tiwkkas s ibaDan.
Malxf ur yalufn gh isasan,
Yuft waDu usuDn gh imzgan.
Man tur rad tafuDt a amadan ?!!

Tiskkatin 16/06/09

Fel agh tannayt

Your email address will not be published. Required fields are marked *